Úkimet • 15 Qarasha, 2021

Qazaqstanda epıdahýal jaqsaryp keledi – Mamın

310 ret

kórsetildi

1 mın

oqý úshin

Premer-Mınıstr Asqar Mamın Qazaqstandaǵy epıdemıologııalyq jaǵdaıǵa baǵa berdi, dep habarlaıdy Egemen.kz.

Gaýhar QAPASh

Qazaqstanda epıdahýal jaqsaryp keledi – Mamın

BAQ ókilderimen kezdesýde Premer-Mınıstr eldegi koronavırýsqa qatysty jaǵdaı jaqsaryp kele jatqanyn aıtty.

«Búginde «qyzyl» aımaqta eki óńir – Pavlodar jáne Soltústik Qazaqstan oblystary bar. Vaksınasııaǵa keler bolsaq, 8,5 mıllıon adam birinshi komponentti aldy. Ekinshi komponentti - 7 mıllıon 800 myń adam. Eresekter týraly aıtatyn bolsaq, birinshi komponentti 75 paıyzy, ekinshi komponentti 69 paıyzy saldyrdy. Bul TMD elderi arasyndaǵy eń joǵary kórsetkish. Sonymen qatar biz qazir vaksına ala alatyndardyń sanatyn keńeıttik - bala emizetin jáne júkti áıelder, sondaı-aq 12-den 18 jasqa deıingi oqýshylar qosyldy», dedi Asqar Mamın.

Onyń sózinshe, juqpaly aýrýlar aýrýhanalaryndaǵy júkteme deńgeıi densaýlyq saqtaý júıesi jumysyn oryndap jatyr dep aıtýǵa múmkindik beredi.

«Alda bolýy múmkin jańa tolqyndarǵa jıǵan-tergenimiz bar. Biz tórtinshi tolqynnan aman óttik. Eýropanyń keıbir elinde jáne bizdiń kórshiles elderde qandaı jaǵdaı qalyptasqanyn bilesizder. Osyǵan oraı, biz sanıtarlyq-epıdemıologııalyq jaǵdaıdy turaqty saqtaı alyp otyrmyz dep sanaımyn. Atalǵan eki óńir (Pavlodar jáne Soltústik Qazaqstan oblystary) biz baqylap otyrǵan dınamıkaǵa sáıkes, jaqyn arada «qyzyl» aımaqtan shyǵýy tıis», dedi úkimet basshysy.