«Dáýlet Hamıtuly zaýyt sheberinen Premer-Mınıstrdiń Birinshi orynbasary, Qazaqstan Respýblıkasynyń Ulttyq bank tóraǵasy qyzmetine deıingi úlken ómirlik ári kásibı joldan ótti. Onyń elimizdegi qarjy sektoryn qalyptastyrýǵa jáne damytýǵa, ulttyq valıýtany engizýge, Táýelsiz Qazaqstannyń zeınetaqy reformasyn júrgizýge sińirgen eńbegi zor. Ol jańa ekonomıkalyq saıasattyń jolǵa qoıylýyna ólsheýsiz úles qosty. Parlament Senatynyń depýtaty, Qarjygerler assosıasııasy keńesiniń tóraǵasy retinde qarjylyq-ekonomıkalyq zańnamany jetildirý úshin aýqymdy ári tıimdi jumys istedi», delingen jedelhatta.
Qasym-Jomart Toqaev Dáýlet Sembaevtyń zor bedel men qurmetke ıe bolǵanyn jáne jas qarjygerler býyny ony úlgi tutqanyn atap ótken.
