Portal oqyrmandary Vashıngtonnyń mundaı qoldaýy Kıevke tek zııanyn tıgizedi degen pikirde.
«AQSh-tyń kómeginiń eki túri bar: bireýi — adam óltirý, ekinshisi — ózin-ózi óltirýge kómektesý», dep jazdy oqyrmandardyń biri. «Ýkraına óz-ózine qol jumsaý jolyna túsip jatyr», dedi aldyńǵy azamattyń pikirin qostaǵan taǵy bir saıt qoldanýshysy.
Gýanchtyń keıbir oqyrmandary AQSh «otqa maı quıyp otyr» dep sanaıdy.
«Eki tarap arasyndaǵy urysty baqylap otyrǵan «jaqsy adam» bireýine as úı pyshaǵyn berdi», dedi taǵy bir oqyrman. «Amerıka Qurama Shtattary otqa maı quıyp jatyr. 80 tonna oq-dári jiberildi. Biraq másele mynada, bul mólsherdegi kómek tipti shaǵyn taktıkalyq operasııalardy júzege asyrýǵa jetpeıdi», dep jazdy taǵy bir belsendi.
«Seksen tonna oq-dári Reseıge qarsy alǵashqy atys úshin ǵana jetedi. AQSh tarapy Ýkraınany mazaq etip otyr», dep túıindedi oqyrmandardyń biri óz pikirin.
Kóptegen paıdalanýshylar buǵan deıin Ýkraınada qýatty áskerı-ónerkásiptik keshen bolǵanyna nazar aýdardy. Biraq qazir eldiń shet memleketterden kómek kútip otyrǵanyna tańdanys bildirdi.
Tamyz aıynyń sońynda Pentagon basshysy Lloıd Ostın prezıdent Djo Baıden Kıevke 60 mıllıon dollar somasyndaǵy jańa áskerı kómek paketin maquldaǵanyn aıtqan bolatyn. Onyń ishinde «Javelin» portatıvti tankke qarsy zymyran keshenderin jetkizý qajettigin tapsyrǵanyn da jetkizdi Ostın. 2014 jyldan bastap Vashıngton bul maqsattarǵa eki jarym mıllıardtan astam dollar bólipti-mys.
