«Kóbisi Qazaqstanda shyǵarylatyn bazalyq markalarǵa silteme jasaıdy, biraq sol ýaqytta baǵalar Qazaqstanda múldem shyǵarylmaıtyn BMW, Mercedes, Toyota sııaqty basqa markalarǵa da ósti», dedi Atamqulov Úkimet otyrysynda.
Mınıstrdiń aıtýynsha, baǵanyń dál osyndaı ósýi Reseıde, Qytaı jáne Eýropa naryqtarynda oryn alǵan.
«Birinshiden, bul keıinge qaldyrylǵan suranystyń «eńbegi». Pandemııa shyńy kezinde adamdar is júzinde úıde otyrdy, bankter jumys istemedi. Avtokólikterge, týrıstik qyzmetterge suranys tómendedi. Endi talaptar jeńildep, saýda qyzmetteri boıynsha úlken ósim baıqaldy. Dál osy ýaqytta elektrondy shemalardyń chıpterin jetkizý júıesinde suranys pen aqaý paıda boldy», dep túsindirdi ındýstrııa mınıstrliginiń basshysy.
Ol avtomobılderdiń negizgi jetkizýshileri – Taıvan men Qytaıǵa sanksııalar salynǵanyn atap ótti.
Basqa elderdegi keıbir kompanııalar óndiristi toqtata turǵan kezde, Qazaqstanda otandyq avtoónerkásip ósýde. Mınıstrdiń aıtýynsha, bıyl 65 myń avtokólik óndirilgen.
