Prezıdenttiń aıtýynsha, sońǵy jyldary alaıaqtyqpen baılanysty qylmystar sany ósip barady. Toǵyz aıda elde 32 myń alaıaqtyq faktisi tirkelgen, olardyń teń jartysy ınternet arqyly jasalypty.
«Kredıt tarıhyndaǵy ózgerister 15 jumys kúni ishinde jańaratyndyqtan, osyndaı jaǵdaılar bolyp jatady. Sonymen qatar bir adam túrli bankte birneshe kredıt rásimdeıtin faktiler de kezdesedi», dedi Toqaev ulttyq qoǵamdyq senim keńesiniń altynshy otyrysynda.
Onyń aıtýynsha, kredıtorlar azamattardyń borysh júktemesi kúrt óskenin baıqamaıdy jáne ony obektıvti túrde esepteı de almaıdy.
«Onyń ústine bul qarjy naryǵy sýbektilerine de teris áser etedi, ótimsiz qaryz portfelin ulǵaıtady. Keńes múshesi Marat Shıbutov buǵan deıin kredıttik bıýroǵa aqparat jiberý merzimin zańnamalyq turǵyda bir jumys kúnine deıin qysqartýdy usyndy. Bul usynysty zerdelegen jón», dedi Prezıdent.
