Ulttyq sport • 17 Qarasha, 2021

Ult sportyn ulyqtaǵandar

150 ret kórsetildi

Atyraýda ulttyq sporttan ótken batys aımaqtyq ashyq týrnıri el Táýelsizdiginiń 30 jyldyǵyna oraılastyryldy. Suleimen Promotions JShS uıymdastyrǵan týrnır­diń júlde qory – 14 mln 500 myń teńge. Tartysqa toly dúbirli dodada kókpar sa­ıys­y men alaman, qunan báıgelerde oza shapqan myqtylar anyqtaldy.

Alaman báıgege qosylǵan qylquıryqty júırikter 24 shaqyrymdyq qashyqtyqqa shapty. Bul dodada birinshi oryndy Mańǵystaý oblysynyń shashasyna shań juqpaǵan «Muzbalaq» atalǵan júırigi ıelenip, ıesi – Nysanbek Tańa­tarovqa 2 mln teńge berildi. Ekinshi júlde – 1 mln teńgege taǵy bir mańǵystaýlyq «Aqjaýyn­nyń» ıesi Eraly Ibashev ıe boldy. Al márege úshinshi bolyp jetken Batys Qazaqstan oblysynan Nurbek Saǵynbaevtyń «Qańtáńir» júırigi jetti. Oǵan 500 myń teńge tabys etildi.

Qunan báıgeniń qashyqtyǵy 9 shaqyrymdy qurady. Bul dodada bir-birimen aýyzdyq tiresken úsh júırik anyqtaldy. Máre syzyǵyn birinshi qıǵan – batysqazaqstandyq Bekzat О́mirǵalıevtiń júırigi. Jeńimpaz júıriktiń ıesi 500 myń teńgeni ıelendi. Odan keıingi ekinshi júldeni Aqtóbe oblysynan qatysqan Nurlybek Balymbekovtiń qunany ıelenip, ıesi 300 myń teńgemen marapattaldy. Úshinshi orynnyń 200 myń teńgesi Atyraý oblysynyń Jylyoı aýdanynan Aldońǵar Myrzaǵalıev báıgege qosqan júırikke berildi.

Sondaı-aq kókparshylardyń saıysy da tartysty ótti. Bul dodada Mańǵystaý oblysynyń na­mysyn qorǵaǵan «Adaı ata» komandasy qarsy­lastarynan basym túsip, 3 mln teńgeni utyp aldy. Budan keıingi oryndardy Atyraý qalasynan qatysqan eki komanda ózara bólisti. Ekinshi oryn alǵan «Súleımen» komandasy 2 mln teńgeniń, úshinshi oryndy qanaǵat tutqan «Saraıshyq» komandasy 1 mln teńgeniń júldesin ıelendi.

 

Sońǵy jańalyqtar

Álemdegi eń úlken muzdyq erip ketti

Ekologııa • Búgin, 11:05

15169 adam koronavırýs juqtyrdy

Koronavırýs • Keshe

Uqsas jańalyqtar