Álem • 17 Qarasha, 2021

Armenııa men Ázerbaıjan taǵy qaqtyǵysty

1096 ret

kórsetildi

1 mın

oqý úshin

16 qarashada Armenııa men Ázerbaıjan shekarasynda iri qaqtyǵys boldy. Eki jaqta da qaza tapqandar men jaralanǵandar bar, dep habarlaıdy Egemen.kz.

Gaýhar QAPASh

Qaqtyǵys kezinde taraptar avıasııadan basqa áskerı tehnıkanyń barlyq túrin paıdalanǵan.

Armenııa syrtqy ister mınıstrligi Ázerbaıjan qarýly kúshteri shekaranyń shyǵys bóligindegi elge basyp kirgenin habarlady.

Ázerbaıjan qorǵanys mınıstrligi óz kezeginde Armenııa qarýly kúshterin Armenııa-Ázerbaıjan shekarasyndaǵy jaǵdaıdy ýshyqtyrý maqsatynda «taǵy bir arandatý áreketin» jasady dep aıyptady.

«Ázerbaıjannyń qarýly kúshteri shuǵyl áskerı operasııa júrgizdi», dep habarlady Ázerbaıjan qorǵanys mınıstrliginiń baspasóz qyzmeti.

«Birinshiden, jaýdyń qozǵalysy shekteldi, qarsylastyń kúshteri men quraldaryna zııan keltirildi. Qabyldanǵan sheshýshi sharalardyń nátıjesinde armıan áskerleri qarýsyz qalyp ustaldy, ártúrli qarý-jaraqtary alyndy.

Aýqymdy arandatýshylyq arqyly qysqa merzimde jeńiske umtylǵan armıan áskerı bólimsheleriniń shabýyly, jedel-taktıkalyq turǵydan tolyq sátsizdikke ushyrady, al resmı Erevannyń arandatýshylyqqa barýdaǵy kezekti áreketi sátsiz aıaqtaldy», dep jazady haqqin.az portaly.

Reseı Qorǵanys mınıstrligi soǵys mınıstri Sergeı Shoıgý men onyń armıan jáne ázerbaıjan áriptesteriniń telefon arqyly sóılesýiniń nátıjesinde taraptar shaıqasty toqtatqanyn habarlady.

Armenııa premer-mınıstri Nıkol Pashınıan seısenbi kúni keshke Armenııa-Ázerbaıjan shekarasy qazir salystyrmaly túrde tynysh ekenin, biraq jaǵdaı shıelenisip turǵanyn aıtty.

Reseı prezıdenti Vladımır Pýtınmen telefon arqyly sóılesken Pashınıan shekaradaǵy sońǵy oqıǵalardy egjeı-tegjeıli baıandap, «Ázerbaıjan kúshteriniń áreketi Armenııaǵa qarsy agressııadan basqa eshteńe emes» dep jetkizdi.