Baýyrlas eki el arasyndaǵy mádenı qarym-qatynastyń órbip damýyna ózindik úlesin qosyp kele jatqan Iýnýs Emre atyndaǵy túrik mádenıet ortalyǵy árdaıym Qazaqstan jastaryna qoldaý kórsetip keledi. Ortalyq oqýshylardyń shyǵarmashylyq jaǵynan damýyna, talanttaryn shyńdaýlaryna qol ushyn beredi.
2019 jyly Elbasy Nursultan Nazarbaev tarapynan jarııalanǵan Jastar jyly aıasynda ortalyq oqýshysy Nazerke Kemelbaevanyń «Qazaqstandyqtardyń kózimen Túrkııa» atty jeke sýret kórmesin uıymdastyrǵan bolatyn. Oqýshylar tek qana til úırenip qoımaı, ortalyqta Túrkııanyń mádenıeti men óneri, salt-dástúrin de jaqynnan tanyp-bile alady.
Túrkııanyń Qazaqstandaǵy Elshiliginiń qoldaýymen ótetin kórmede ortalyqtyń oqýshysy, úsh Qazaqstan azamatynyń 35 kartınasy elorda halqynyń nazaryna usynylady. Kórmeniń ashylý saltanatyna Túrkııanyń Qazaqstandaǵy Tótenshe jáne О́kiletti elshisi, dıplomatııalyq korpýs ókilderi, QR Parlament depýtattary, zııaly qaýym ókilderi men sýret ónerin súıetin qaýym qatysady.
25 qarashada saǵat 15.00-te Han Shatyr OSO-da ótetin sýret kórmesiniń tusaýkeserine Nur-Sultan qalasy turǵyndary men qala qonaqtary da qatysa alady.
