Bizdiń áriptesterimiz, Saıası reformalar tobyndaǵy keńestiń músheleri Aleksandr Danılov, Marat Shıbutov jáne Gúlmıra Ileýova aýyl ákimderiniń saılaý prosesterine qatysyp, elimizdiń birneshe óńirine arnaıy issaparmen baryp qaıtqan edi. Aýyl ákimderiniń saılaý tártibin baqylaýdy maqsat tutqan osy saparlardyń qorytyndysy boıynsha olar birneshe saraptama jazǵan bolatyn. О́tken joly áriptesterimiz osy ózekti máselege qatysty tolyq aqparatty bizdiń nazarymyzǵa usynyp, basqosýda ózara talqyǵa salyp, pikir almasqanbyz. Ásirese, keńes músheleriniń aýyl əkimi úmitkerligine arnaýly orta bilimi bar azamattarǵa ruqsat beretin normany bekitý jónindegi usynysy keńinen sóz bolǵan edi.
Osy rette Saıası reformalar tobyndaǵy keńes músheleri ortaǵa salǵan usynystary óte oryndy ári mańyzdy dep sanaımyn. Sebebi aýyl ákimderin saılaý mehanızmi – qazirgi tańda óte mańyzdy túıtkilderdiń biri. Ýaqyt óte bul baǵyttaǵy jumystar, qolǵa alynǵan is-sharalar óziniń oń nátıjesin berip keledi. Muny keshe el Prezıdenti «Partııalardyń belsendilik tanytýy, ózin ózi usynǵan azamattardyń kóptigi jáne saılaýshylardyń daýys berýge kóptep kelýi bul reformanyń oryndy ekenin ári ýaqtyly qolǵa alynǵanyn kórsetti. Munyń bári Ulttyq qoǵamdyq senim keńesi usynǵan bastamalardyń bir bóligi ǵana. Ony júzege asyrý qazaqstandyqtardyń turmysyna tikeleı áser etip, memlekettik basqarý isiniń sapasyn jaqsartady» dep atap ótip, keńes músheleriniń usynysyn biraýyzdan qoldady. Árıne, saılaý prosesteriniń áli de jetildiretin tustary bar. Memleket basshysy da bul usynystardyń aldaǵy ýaqytta saılaý tártibin ońtaılandyra túsý úshin óte qajet ekenin atap ótti.
Memleket basshysynyń Keńes otyrysynda aýyl ákimderin saılaýǵa qatysty aıtqan jańashyldyǵy, ıaǵnı aýyl ákimderi saılaýyna orta bilimi bar azamattarǵa túsýge jaǵdaı jasaý týraly usynysy kóńil qýantady. О́ıtkeni orta bilimi bar azamattardyń da saılaýǵa qatysýy bul ákimdikke úmitkerler sanyn birneshe esege arttyrady. Elimizdiń kóptegen aýyl-aımaǵynda kadr tapshylyǵy aıqyn seziledi jáne muny barshamyz jaqsy bilemiz. Al mundaı jańa bastama aýyl ákimderi saılaýynyń baǵasyn arttyryp qana qoımaı, týǵan aýylyn kórkeıtemin degen azamattar úshin zor múmkindik ekeni sózsiz.
Ashat SADYRBAI,
Ulttyq qoǵamdyq
senim keńesiniń múshesi
