Bul týraly atalmysh eldiń týrızm mınıstrligi málimdedi.
«Fılıppın bıligi COVID-19 vaksınasııasynan ótken týrıster úshin elge kirýge ruqsatty maquldady», delingen eldiń týrızm mınıstrligi taratqan baspasóz habarlamasynda.
«Týrızm mınıstrliginiń suraýy boıynsha juqpaly aýrýlardyń órshýi jónindegi mekemearalyq maqsatty top jasyl tizimdegi elderden tolyǵymen vaksınasııalanǵan týrısterdiń elge kirýin maquldady», delingen vedomstvo jazbasynda.
Jasyl tizimdegi elderdiń azamattaryna elge kirýge ruqsat qatań sharttarǵa negizdeletini kórsetilgen. Bul elderden kelgen týrıster Fılıppın retteýshisi nemese Dúnıejúzilik densaýlyq saqtaý uıymy maquldaǵan preparattarmen tolyq vaksınasııadan ótýi kerek.
