Jarysqa jasampaz naryqtyń jańadan bastap júrgen jáne tájirıbeli qatysýshylary: dızaınerler, ıllıýstratorlar, marketologtar, kopıraıterler, dızaın stýdııalary, prodakshn agenttikteri jáne shyǵarmashylyq salalardyń basqa da kásipqoılary qatysa alady. Baıqaý uıymdastyrýshysy - Nazarbaev Ýnıversıteti ınnovasııalyq klasteriniń Digital Creativity Lab (NURIS) sıfrlyq jáne kreatıvti tehnologııalar zerthanasy.
Jarysqa tirkelý 2021 jyldyń 01 jeltoqsanyna deıin qosa alǵanda http://markethon.kz/ saıtynda ashyq. Jarystyń jalpy júlde qory - 3 000 000 teńge. Jeke túrde jáne komandalyq qatysý múmkindigi bar. Nebári 24 saǵat ishinde qatysýshylar Qazaqstannyń aýqymdy kompanııalary - Kazakhtelecom Business, Jusan Bank, Magnum Cash&Carry, THE STEPPE jáne Nazarbayev University naqty bıznes-máselelerin sheshedi.
Qatysýshylar UI/UX Web Design, Graphic/Motion Design, Marketıngtik strategııa seksııalarynda kompanııanyń tapsyrmasy boıynsha ónim/sheshim ázirlep, ony baǵalaý úshin kompanııa sarapshylaryna usynýy kerek. Ár komanda sheshimniń jumys prototıpin kórsetip, kompanııa men tutynýshy turǵysynan yńǵaılylyqty qarastyrǵan jón.
«Markethon basty maqsaty - marketıng, jarnama jáne dızaın salasyndaǵy talantty jastardy iri kompanııalarmen yntymaqtastyqta jańa jobalardy iske asyrýǵa tartý. Jastar úshin - bul ózderin kórsetýge, al kompanııalar úshin jańa ıdeıalar men potensıaldy kadrlar tabýǵa múmkindik», deıdi uıymdastyrýshylar.
Hakaton aıasynda qatysýshylar sarapshylarmen suhbattasyp, oryndalǵan tapsyrma men olardy sheshý joldary týraly keri baılanys alýǵa múmkindik ala alady. Úzdik jumystar kompanııalardan baǵaly syılyqtar, aqshalaı sertıfıkattar, taǵylymdama sııaqty júldelerge úmitkerlik tanytady. 18 jastan asqan barlyq jandar qatysý múmkindigine ıe.
