Koronavırýs • 20 Qarasha, 2021

Qostanaı oblysynda koronavırýsqa qarsy revaksınalaý bastaldy

112 ret kórsetildi

Kelesi aptadan bastap Qostanaı oblysynda koronavırýs ınfeksııasyna qarsy revaksınalaý bastalady. Bul týraly brıfıngte oblystyń densaýlyq saqtaý basqarmasy jetekshisiniń orynbasary Anjela Beksultanova málimdedi, dep habarlaıdy Egemen.kz.

«22 qarashadan bastap oblysta koronavırýs ınfeksııasyna qarsy halyqty revaksınalaý bastalady. Revaksınalaýdan qaı top ókilderiniń ótetini anyqtaldy. Medısınalyq qyzmetkerler, pedagogtar, áleýetti qurylymdar qyzmetkerleri, medısınalyq-áleýmettik mekemelerdiń ujymy, 60 jastan asqandar, ımmýnıteti álsiz jáne koronavırýs antıdenesi joq adamdar revaksınalaýdan ótedi», dedi A. Beksultanova.

Onyń aıtýynsha, revaksınalaý buryn salynbaǵan vaksına túrimen júredi. Sonymen qatar oblysta balalar men 12-18 jas aralyǵyndaǵy jasóspirimderge, merzimi 16 aptadan asqan aıaǵy aýyr áıelderge, bosanǵannan keıin 42 kún ótkennen keıin bala emizetin analarǵa ekpe salýǵa daıyndyq jasalyp jatyr.

«Atalǵan toptardaǵy 666 690 adamdy vaksınalaý úshin oblysqa «Komırnatı» (Pfizer) vaksınasynyń 133 380 dozasy jetkiziledi. Sonymen qatar oblysqa vaksınany mınýs 40-tan -80 gradýsqa deıin temperatýrada saqtaýǵa múmkindik beretin eki muzdatqysh qurylǵy jetkizildi. Osy aıdyń aıaǵyna deıin olardyń qatary taǵy eki qurylǵymen tolyǵady», dedi oblystyq vedomstvo jetekshisiniń orynbasary.

Vaksınany emhana men bilim nysanyndaǵy medısınalyq pýnktte alýǵa bolady. Balalar men 12-18 jas aralyǵyndaǵy jasóspirimge vaksına tek ata-anasynyń jazbasha kelisimimen ǵana salynady. О́ńirde qazirgi kúni 336 318 adam vaksına alǵan, bul ekpe alýǵa ruqsat etilgenderdiń 66,6%-y. Olardyń ishinde ekinshi komponetti saldyrǵandar sany – 313 642 nemese 62,1%.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar