Import: Qaı óndiriske kóbirek táýeldimiz?

Qazaqstannyń Ulttyq banki­niń mamandary jaqynda taýar ımportyna qatysty málimetter ja­rııalady. Olardyń deregi bo­ıynsha, búginde azyq-túlikke jat­paıtyn taýarlar ımporty ar­typ otyr. «Jyl basynan beri biz tutyný taýarlary ım­porty­nyń ótken jylǵa qatysty da (2020 jyldyń 9 aıy­na +21%-ǵa) jáne pandemııaǵa deıingi 2019 jylǵa qatysty da (+27%) ós­kenin baıqadyq. Import qu­ry­lymyndaǵy halyqtyq tu­ty­ný taýarlarynyń úlesi de 2020 jyldyń 9 aıyndaǵy 25%-dan bıyl 30%-ǵa deıin ósti. О́z­deri­ńizge málim, tutyný taýar­la­ry ımporty azyq-túlik­ten (úlesi – 28%) jáne azyq-túlik­ke jat­p­aı­tyn (úlesi – 72%) ónim­der­­den turady», deıdi Qazaq­stan Ult­tyq banki tólem balansy depar­tamentiniń syrt­qy sek­tordy tal­daý basqarma­sy­nyń bastyǵy Merýert Almaǵambetova.

Qańtar-qyrkúıek aılarynda azyq-túlik taýarlarynyń ım­porty 11%-ǵa ósip, 2,4 mlrd dol­lardy quraǵan. Syrttan áke­lin­gen azyq-túlik ónimderiniń basym bóligi sýsyndar (141 mln dollar), unnan jasalǵan kon­dı­terlik ónimder (134 mln dollar), qant (119 mln dollar), shokolad (109 mln dollar) jáne qus eti (104 mln dollar). Sýsyndar negizinen Reseıden, jańǵaqtar – Qytaı men Irannan tasymaldansa, Reseı men Belarýsten – shu­jyqtar, Norvegııadan – muz­datylǵan balyq, Ekvadordan – banan, Reseıden unnan jasalǵan kondıterlik ónimder ákelinedi. Bul taýarlardyń ımporty 2019 jylǵa qaraǵanda da ósken.

– Importtyq azyq-túlik ónim­deriniń negizgi jetkizýshisi – Reseı. Ol jaqtan sheteldik azyq-túlik ónimderiniń jartysy ımporttalady. Basqa ımport­taýshy elderdiń ishinde О́z­bekstannyń úlesi – 7,4%, Bela­rýs pen Qytaıdyń úlesi 5% jáne 4,9% aralyǵynda, – deıdi M.Almaǵambetova.

Jalpy, joǵaryda aıtqan azyq-túlik ónimderi bizdiń elde de óndiriledi. Biraq el aýmaǵyn tolyq qamtı almaı otyr. Son­dyq­tan ımportqa ıek ar­tý­ǵa máj­búrmiz. Mysaly, qant, shu­jyq, irimshik, súzbe, al­ma, margarın sııaqty taýarlar otan­d­yq óndi­riste jetkilikti mól­sherde ón­di­rilmeıdi. Onyń ústin­e syrt elder ónim túrlerin kó­beı­tip, onyń baǵasyn arzan qoıý arqyly da elimizdi qyzyq­tyryp tur.

Ulttyq banktiń habarlaýynsha, bıyl azyq-túlikke jatpaıtyn taýar­lar ımportynyń joǵary qarqyny baıqalǵan. 2021 jyldyń 9 aıynda azyq-túlik­ke jatpaıtyn taýarlardy jetkizý 2020 jylmen salys­tyr­ǵanda 25,9%-ǵa jáne daǵdarysqa deıingi 2019 jylǵa qaraǵanda 30,7%-ǵa ósip, 6,3 mlrd dollardy qurapty. Osy jaǵynan ımporttyń eń úlken ósimi Reseı­­den, О́zbekstannan jáne Ja­po­nııadan kelgen. Bul memleketter­den negizinen avto­kólikter tasy­m­aldanǵan, onyń ım­­porttyq kóle­mi 1 mlrd dollarǵa jet­ken. Odan keıin Qytaı tur, bul elden aıaqkıimder kóp ákelinipti. Qytaı son­daı-aq, qazaqty kıin­dirý jaǵynan da ózgege des bermeı tur. Odan keıingi orynda – Túrkııa. Anadoly elinen de kıim kóp ákelinedi. Qysqasy, azyq-túlikke jatpaıtyn taýarlardy jetkizýshiler bestigine Eýropalyq odaq elderi (14,2%), Túrkııa (5%) jáne О́zbekstan (4,8%) kiredi.

Mamandar sońǵy jyldary elimizge syrttan avtokólik kóbi­rek ákelin­genin aıtady. Qazaq­standyq avtobıznes qaýymdas­tyǵynyń málimetinshe, bıylǵy 9 aıda Qazaqstan naryǵyndaǵy kólikterdiń satylymy 36,3%-ǵa ósip, 86,6 myń danaǵa jetken.

Qazaqstandyq avtomobıl óndirisi quramdas bólshekter ımportyna da óte táýeldi ekeni belgili. Bólshekterdi tasymaldaý qarqyny da tolassyz júrip jatyr.

«Tutyný taýarlary ım­porty­nyń ul­ǵaıýy karantınnen keıin eldegi eko­no­mıkalyq bel­­sen­­diliktiń qalpyna kel­ge­nin jáne halyqtyń tó­lem qabi­letiniń artqanyn bildi­re­di. Jyl basynan beri ekonomıkanyń júıeli túrde qalypqa kelgenin baı­qadyq. Máselen, 2021 jyl­dyń qańtar-qyrkúıek aılarynda IJО́ ósimi 3,4%-dy qurady. Ulttyq statıstıka bıýrosynyń máli­meti boıynsha 2021 jyl­dyń 9 aıynda jan basyna shaq­qan­daǵy halyqtyń naqty aqsha­laı tabysynyń da (+5,0%), ataýly tabysynyń da (+13,2%) ósýi baıqal­dy. Halyqtyń nesıe qabilettiliginiń kór­setkishi retin­de tabystyń ósýi – jańa tu­tyný­­shylyq nesıelerdiń kóp­tep beri­lýine yqpal etedi. Osy­laı­sha, 2021 jyldyń 9 aıyn­da jeke tulǵalarǵa beril­gen tu­ty­nýshylyq nesıeler daǵ­da­rysty 2020 jylmen salys­tyrǵanda eki ese, al 2019 jylǵa qaraǵanda 54,3%-ǵa ósti», deıdi Ulttyq bank mamandary.