Sport • 23 Qarasha, 2021

Oralda kimder ozdy?

60 ret kórsetildi

Elimizdiń eń úzdik dzıýdoshylary Oralda bas qosyp, Qazaqstan chempıonatynyń júldelerin sarapqa saldy. Osy jarys barysynda birqatar ózgeristiń bolǵanyn baıqadyq. Máselen, Olımpııa oıyndary men álem chempıonatynyń júldegeri Otgonseseg Galbadrah jáne qurlyqtyq dodalarda san márte júlde alǵan Eldos Jumahanov bul básekege qatysqan joq. Kúni keshe ǵana olar úlken sporttan ketkenderin jarııa etti. Sondaı-aq ulttyq komandamyzdyń keıbir músheleri ózge salmaqtarda saıysqa túsýdi qup kórgen eken.

Erler arasyndaǵy jarysta Qazaqstannyń birinshi nó­mirli dzıýdoshylary arasynan tek 73 kg salmaqta kúsh synasqan Jansaı Smaǵulov óziniń myqtylyǵyn moıyndata aldy. Barlyq qarsylasyn qapy qaldyrǵan qaraǵandylyq ba­lýan fınalda tarazdyq Da­nııar Shamshıevti shań qap­tyr­dy. Buǵan deıin 66 kg sal­maq dárejesinde kúresken Shy­ǵys Qazaqstan oblysynyń ókili Erlan Serikjanovqa bir­den jańa salmaqqa beıimdelý ońaı bol­­maǵan sekildi. Álem chem­pıo­natynyń kúmis júldegeri jáne Azııa chempıony degen ataqtary bar sportshy el birin­shiliginde qola medaldy qanaǵat tutty.

Asa jeńil salmaqtaǵy báse­kelerdi de jankúıerler taǵat­syzdana kútti. Sebebi Eldos Smetov pen Ǵusman Qyrǵyzbaev syndy sańlaqtar bul jarysqa qatyspady. Jáne de kelesi jyldan bastap olar salmaqtaryn ózgertýge bel býǵan eken. Iаǵnı Jaıyq jaǵalaýynda jarys jańa chempıondy anyqtady. Bul múmkindikti Maǵjan Sham­shadın utymdy paıdalandy. Bıyl Býdapeshtte ótken álem chempıonatynda besinshi orynǵa turaqtaǵan Syr bo­ıynyń saıypqyrany fınalda mańǵystaýlyq Baýyrjan Nar­baevtan aılasyn asyrdy. 

66 kg salmaqta Ermek Aman­geldıevtiń asyǵy alshysynan tústi. Esimi jankúıerlerge jaq­sy tanys Rınat Ibragımov tatamımen qosh aıtysqannan keıin Atyraý oblysynan myqty bir dzıýdoshynyń shyqpaǵanyna biraz jyldyń júzi bolǵan edi. Mine, endi Ermek erlep, altyn tuǵyrdan qol bulǵady. Fınalda ol Shyǵys Qazaqstan oblysynan kelgen Dastan Shaıahmetovten basym tústi.

81 kg salmaqta Jambyl ob­lysynyń óreni Bekádil Shaı­­merdenov ozsa, 90 kg-da aqtó­be­lik Ádilet Mısınniń mereıi ús­tem boldy. Aýyr jáne asa aýyr sal­maq dárejelerinde qyzyl­ordalyq Nurlyhan Shar­­­­han men oraldyq Ǵalym­jan Kól­baı bas júldeni olja­lady.

Al áıelder arasyndaǵy sa­ıys­­ta atyraýlyq Abıba Ábý­ja­qynova (48 kg), oraldyq Gaý­har Irmaǵanbetova (52 kg), shym­kenttikter Sevara Nyshan­baeva (57 kg), Saera Myr­zah­­­metova (63 kg), Zere Bek­tasqyzy (70 kg), Arýna Jan­geldına (78 kg) jáne Kámıla Ber­liqash (+78 kg) altynnan alqa taqty.

Sońǵy jańalyqtar

Jem-shóp daqyldarynyń alqaby uǵaıtyldy

Qazaqstan • Búgin, 12:30

Brent markaly munaı baǵasy ósti

Ekonomıka • Búgin, 09:19

Almatydaǵy alyp mýral

Aımaqtar • Búgin, 09:15

Seısenbige arnalǵan aýa raıy boljamy

Aýa raıy • Búgin, 09:09

Týrnırdiń shırek fınalyna shyqty

Tennıs • Búgin, 09:07

Fransııadan da jeńildi

Hokkeı • Búgin, 09:05

«Astana opera» – álem nazarynda

Teatr • Búgin, 09:00

Álkeıdi áli zertteý qajet

Aımaqtar • Búgin, 08:55

Ulttyq ulanda boldy

Qazaqstan • Búgin, 08:52

Kıprdan kelgen kúmis pen qola

Bilim • Búgin, 08:50

Uqsas jańalyqtar