Qazaqstan Respýblıkasy Prezıdentiniń Jarlyǵy № 757

Qazaqstan Respýblıkasynda kásipkerlik qyzmet úshin jaǵdaıdy jaqsartý jónindegi túbegeıli sharalar týraly Qazaqstan Respýblıkasynda kásipkerlik qyzmet úshin jaǵdaıdy túbegeıli jaqsartý maqsatynda qaýly etemin: 1. Ortalyq memlekettik jáne jergilikti atqarýshy organdar 2014 jylǵy 2 sáýirden bastap 2015 jylǵy 1 qańtarǵa deıin: 1) shaǵyn jáne orta bıznes sýbektisiniń óziniń qyzmetine qatysty ótinishi olardy júrgizýge negiz bolyp tabylatyn tekserýlerdi, osy ótinishpen baılanysty qarsy tekserýlerdi; 2) qarjylyq uıymdardy; 3) atom energetıkasy, radıoaktıvtik zattar salasyn; 4) ýlardyń, qarý-jaraqtyń, áskerı tehnıkanyń jáne jekelegen qarý túrleriniń, onyń ishinde azamattyq jáne qyzmettik, jarylǵysh jáne pırotehnıkalyq zattar men olardy qoldana otyryp jasalǵan buıymdardyń aınalymy salasyndaǵy jeke jáne zańdy tulǵalardyń qyzmetin; 5) konstıtýsııalyq qurylysqa, ulttyq qaýipsizdikke, zańdylyqqa jáne qoǵamdyq tártipke týra jáne tikeleı qaýip-qater tóndiretin is-árekettiń aldyn alý nemese joıý maqsatynda júrgiziletin tekserýlerdi qospaǵanda, shaǵyn jáne orta kásipkerlik sýbektilerin tekserýlerdi toqtatsyn. Osy tarmaqtyń 3)-5) tarmaqshalarynda kórsetilgen tekserýler Qazaqstan Respýblıkasynyń Bas prokýratýrasymen kelisilgen, ortalyq memlekettik nemese jergilikti atqarýshy organnyń birinshi basshysynyń sheshimi negizinde júrgiziledi dep belgilensin. 2. Kásipkerlik sýbektilerin josparly tekserýler 2015 jylǵy 1 qańtardan bastap bolmasyn. 3. Qazaqstan Respýblıkasynyń Úkimeti: 1) mynadaı zań jobalaryn: 2014 jylǵy 1 sáýirge deıin – ruqsattar men habarlamalardyń naqtyly tizbesin, olardy berý tártibin reglamentteý, onyń ishinde kásipkerlik sýbektilerine ruqsattar júıesi salasynda zańnamaǵa retteýshilik yqpalyn taldaý qaǵıdatyn engizýdi kózdeıtin máseleler boıynsha; 2014 jylǵy 1 qyrkúıekke deıin – Qazaqstan Respýblıkasynda kásipkerlik qyzmet úshin jaǵdaıdy túbegeıli jaqsartý máseleleri boıynsha mynalardy: táýekelderdi baǵalaý negizinde tekserýlerdi uıymdastyrýǵa kóshýdi, sondaı-aq kásipkerlik sýbektileriniń jaýapkershiligin saqtandyrý múmkindigin kásipkerlik sýbektilerin tekserýdiń balamasy retinde engizýdi; kásipkerlik sýbektilerine qoıylatyn memlekettik baqylaý men qadaǵalaýdy júzege asyrý barysynda tekserýge jatatyn talaptardy qysqartýdy; shaǵyn jáne orta kásipkerlik sýbektilerin taratý resimderin jeńildetýdi; Ulttyq kásipkerler palatasynyń rólin kúsheıtýdi, onyń ishinde kásipkerler quqyqtary jónindegi ýákil ınstıtýtyn engizýdi; Qazaqstan Respýblıkasynda kásipkerlik qyzmet úshin jaǵdaıdy túbegeıli jaqsartýǵa baǵyttalǵan ózge de sharalardy kózdeıtin; 2015 jylǵy 1 qańtarǵa deıin – ózin ózi retteıtin uıymdar qyz­metiniń máseleleri boıynsha zań jobalaryn ázirlesin jáne Qazaqstan Respýblıkasynyń Parlamenti Májilisiniń qaraýyna engizsin; 2) Qazaqstan Respýblıkasynyń Prezıdenti Ákimshiligimen kelisim boıynsha 2015 jylǵy 1 qańtarǵa deıin memlekettik organdardyń táýekelderdi baǵalaý júıesin qalyptastyrý ádistemesin (Qazaqstan Respýblıkasynyń Ulttyq Bankin qospaǵanda) bekitsin; 3) Qazaqstan Respýblıkasynyń Kásipkerlik kodeksi jobasynda kásipkerlik qyzmetti memlekettik retteý týraly zańnamalyq aktilerdiń normalaryn toptastyrsyn; 4) 2015 jylǵy 1 qańtarǵa deıin ruqsattar berýdi avtomattandyrýdy aıaqtasyn; 5) osy Jarlyqty iske asyrý jónindegi ózge de sharalardy qabyldasyn. 4. Qazaqstan Respýblıkasynyń Bas prokýratýrasy osy Jarlyqtyń 1-tarmaǵyn iske asyrý barysynda zańdylyqtyń múltiksiz saqtalýyn qadaǵalaýdy qamtamasyz etsin. 5. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin. 6. Osy Jarlyq qol qoıylǵan kúninen bastap qoldanysqa engiziledi. Qazaqstan Respýblıkasynyń Prezıdenti N.NAZARBAEV. Astana, Aqorda, 2014 jylǵy 27 aqpan. № 757