Bul beınebaqylaý kameralarynyń derekteri jazylady jáne qajet bolǵan jaǵdaıda muraǵattan suraýǵa bolady. Jaqyn arada ákimshilik qamaýǵa alynǵandarǵa jáne jeke basyn kýálandyratyn qujattary joq tulǵalarǵa arnalǵan qabyldap–taratýdy da beınebaqylaý kameralarymen jabdyqtaý josparlanýda. Kelesi jyly barlyq ýchaskelik polısııa pýnktterinde beınekameralar ornatylady», dedi Almaty qalalyq polısııa Departamentiniń basshysy Qanat Taımerdenov.
Sondaı-aq spıker búgingi tańda 42 modýldyq postta ornatylǵan beınebaqylaý júıesi arqyly polısııa qyzmetkerleriniń jumysyn taldaýǵa múmkindigi bar ekenin jáne jyl sońyna deıin taǵy 7 beınebaqylaý júıesin ornatý josparda ekendigin aıtty. Budan bólek jýrnalısterge óz qyzmetkerlerin qalaı baqylaıtyndaryn kórsetti.
«Buǵan deıin habarlanǵandaı, «Nur Otan» partııasynyń Jol kartasyn júzege asyrý aıasynda jańa turǵyn úıde josparlanǵan 12 ýchaskelik polısııa pýnktiniń 5-eýi jumys istep tur. Qazir uıaly baılanys kesheniniń múmkindikterin paıdalana otyryp, biz sizderdiń nazarlaryńyzǵa «Almaly» turǵyn úı kesheninde ornalasqan ýchaskelik polısııa pýnktin usynyp otyrmyz. Ol bıylǵy naýryz aıynda paıdalanýǵa berildi. ÝPP aýdany - 90 sharshy metrdi quraıdy. Qazirgi ýaqytta patrýldik kıimder jańa úlgidegi beınetirkegishtermen jabdyqtalǵan. Sizderdiń aldaryńyzda patrýldik jasaqtardyń qyzmet kórsetkishterin onlaın rejıminde baqylaýǵa múmkindik beretin operatordyń jumys orny. Naqty ýaqytta syrtqy qyzmetterdiń jumysyn baqylaıtyn top quryldy. Qyzmetker tarapynan zańbuzýshylyqtar anyqtalǵan jaǵdaıda dereý den qoıý sharalary qabyldanady», dedi Qanat Taımerdenov.
