Sport • 24 Qarasha, 2021

Komıtet úzdikterdi irikteıdi

89 ret kórsetildi

Qazaqstan Respýb­lıkasynyń Ulttyq Olım­pıada komıteti (UOK) osy jyldyń qorytyndysy bo­ıyn­sha Altyn Samgay-2021 syıly­ǵynyń ıegerle­rin anyqtaýǵa kiristi. Olympic.kz saıty arqyly saýaldama júrgizilip, sonyń negizinde birneshe atalym boıynsha jeńimpazdardyń esimderi belgili bolady. Marapattaý rásimi kelesi aıdyń bel ortasynda, ıaǵnı el Táýelsizdiginiń 30 jyldyq merekesi qarsańynda ótedi.

Kúni keshe UOK-tyń resmı saıtynda joǵarydaǵy syılyqty alýǵa laıyqty azamattardyń aty-jónderi jarııalandy. Máselen, jazǵy sport túrleri boıynsha úmitkerler qatarynda boksshy Sáken Bıbosynov, Qamshybek Qońqabaev, Temirtas Júsipov, dzıýdoshy Eldos Smetov, ziltemirshi Igor Son men Zúlfııa Chınshanlo, erkin kúres sheberi Nurıslam Sanaev, karateshi Darhan Asádilov pen Sofıa Berýlseva jáne áıelder kúresiniń ókili Jámıla Baqbergenova bar. Olardyń bar­lyǵy da Olımpııa oıyndary jáne álem chempıonattary sekildi asa iri halyqaralyq jarystarda tabysty óner kórsetken sportshylar.

Qysqy sport túrlerin serik etkender arasynan bıyl ótken baı­­raqty básekelerde aıryqsha kóz­ge túsken alty sportshynyń esi­mi ataldy. Olar – frıstaılshy­lar Iýlııa Galysheva, Janbota Alda­bergenova, Pavel Kolmakov, kon­kıshi Nadejda Morozova jáne short-trekshiler Ádil Ǵalıahmetov pen Denıs Nıkısha.

Bapkerler de jazǵy jáne qysqy sport túrleri dep ekige bólingen eken. Solardyń arasynan Myrzaǵalı Aıtjanov pen Ǵalymjan Jylkel­dıevti erekshe atap ótsek bolady. M.Aıtjanov – boks­tan Olımpııa oıyndarynyń qola júl­degeri jáne álem chempıony Sáken Bıbosynovtyń jeke jat­tyqtyrýshysy. Ǵ.Jylkeldıev – dzıý­dodan ulttyq quramamyzdyń bas bapkeri. Bıyl Tokıoda qola medaldy ıelengen Eldos Sme­tov – dál sol mamannyń tól shákir­ti. Olardan bólek Altyn Samgay-2021 syılyǵyn alýy múm­kin bapkerler tiziminen Alek­sandr Kım (sporttyq gımnas­tıka), Grıgorıı Kım (sadaq atý), As­qar Moldaǵalı (karate), Elena Krýglyhına (frıstaıl), Mádiǵalı Qar­sybekov (short-trek) jáne Dmı­trıı Babenkonyń (konkı) esimderin keziktirdik.

Jyldyń eń úzdik komandasyn da anyqtaý ońaı bolmaıtyn túri bar. Sebebi fýtzaldan Qazaqstan ult­tyq quramasy men voleıboldan О́skemenniń «Altaı» klýby bıylǵy maýsymda aıtarlyqtaı tabysqa qol jetkizip, barsha qazaq­standyq jankúıerdi qýantty. Atap aıtsaq, fýtzalshy jigitter dúnıejúzilik dop dodasynda tórtinshi orynǵa taban tirese, vo­leıbolshy qyzdar Azııanyń klýbtyq chempıonatynda altynnan alqa taǵyp, álem chempıonatynda óner kórsetý quqyǵyna ıe boldy. Olardan bólek, qol dobynan elimizdiń áıelder quramasynyń da qazirgi qarqyny jaman emes. Joǵaryda atalǵan syılyqtan olardyń da dámesi bar.

Dúbirli dodalarda aıryqsha talantymen oqshaýlanyp júrgen jas sportshylardyń da qatary qalyń. Daýys berý nátıjesinde Anastasııa Gorodko (frıstaıl), Mılad Karımı (sporttyq gımnas­tıka), Elena Rybakına (tennıs), Nılýfar Raımova (áıelder kú­resi), Ámir Zákirov (breık-dans), Mahmud Sabyrhan (boks) jáne Nurqanat Ájihanov (karate) syndy sportshylardyń biriniń baq juldyzy janatyny anyq.

Sonymen qatar «Úzdik federasııa», «Úzdik óńir», «Paralımpıa­dashylar arasynan úzdik bapker men sportshy», «Úzdik medısına mamany», «Úzdik keshendi-ǵylymı top» jáne taǵy basqa atalymdar boıynsha da úzdikter anyqtalyp, tıisti marapatqa ıe bolady.

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar