Osy kezeńde oqýshylar úsh birdeı qaıyrymdylyq jobasyna qatysady:
- balalar úıiniń tárbıelenýshilerine arnalǵan jyly kıimderdi jınaý boıynsha «Jylýlyq syıla» jobasy,
- balalar úıiniń tárbıelenýshileri men muqtaj otbasylarǵa arnalǵan ústel oıyndaryn, oıynshyqtardy jınaý boıynsha «Birge oınaıyq»,
- Almaty qalasy men Almaty oblysynyń sábıler úıiniń balalaryna arnalǵan «Pampers Drive» jobasy.
Mektep basshylyǵynyń aıtýynsha, qaıyrymdylyq merekelik aksııalardy uıymdastyrý alǵashqy kúnnen bastap-aq ıgi dástúrge aınalǵan. 22 jyldan beri mektepte oqyǵandar erikti túrde muqtaj jandarǵa qajetti zattardy jınaýǵa qatysýda.
– Sońǵy 4 jyldan beri biz «Mahabbatqa quqyq» Qorymen seriktespiz. Byltyr solardyń kómegimen 250 balany, sonymen qatar «Keńes» ortalyǵy men Shilik qalasynyń balalar úıiniń búldirshinderin kómekpen qamtydyq. Olarǵa kerekti zattardy, ústel oıyndary men mektep oqýshylary atynan kitaptar tapsyryldy, - dedi halyqaralyq «Mıras» mektebi dırektorynyń tárbıe isi jónindegi orynbasary Alla Qurbanova.
Sonymen qatar mektepte basqa da qaıyrymdylyq jobalary bar. Solardyń biri – «onkologııa men gematologııa balalar bólimi pasıentterine arnalǵan «Batyldyq qorapshasy».
Stýdentter, ata-analar men halyqaralyq «Mıras» mektebiniń qyzmetkerleri jyl saıyn Pallıatıvti kómek ortalyǵyndaǵy aýyr naýqas balalarǵa arnap oıynshyqtar jınaýǵa belsendi túrde atsalysyp keledi.
Aksııanyń negizi ıdeıasy – prosedýralyq kabınetke nemese operasııaǵa bara jatqan balany qoldaý. Prosedýra aldynda balaǵa «Batyldyq qorabyndaǵy» ózine unaǵan kez kelgen oıynshyqty alýyna ruqsat etiledi. Sol arqyly balaǵa prosedýralyq kabınettiń nemese operasııalyq bólmeniń tabaldyryǵyn attaǵan sátinde sál de bolsa jubanysh syılaý.
– Qaıyrymdylyqtyń mańyzy óte zor, sebebi seniń kim ekeniń nemese qaıda oqıtynyń mańyzdy emes, kim bolsań da kómektese alasyń. Keminde bir adam seniń kómegińdi baǵalaıtyny anyq. Men óz ata-anamnyń jáne mektebimniń úlgisinde qaıyrymdylyqpen aınalysa bastadym. Keleshekte de osy ıgi istermen aınalysa beremin, – dedi qaıyrymdylyq komıtetiniń kóshbasshylarynyń biri, mektep oqýshysy Marsel Maratova.
Eske sala ketsek, «Qaıyrymdy ister marafony» jalpyulttyq jobasy osy jyldyń aqpan aıynda Memleket basshysy Qasym-Jomart Toqaevtyń bastamasymen iske qosylǵan. Búgingi tańda jobaǵa 3 mıllıonǵa tarta qazaqstandyq atsalysýda; al ataýly áleýmettik kómekti 200 myńǵa tarta adam aldy.
Joba QR Aqparat jáne qoǵamdyq damý mınıstrliginiń granttyq qarajatymen, Azamattyq bastamalardy qoldaý ortalyǵynyń qoldaýymen iske asyrylýda.
