Qatarynan tórt ret utylyp, osynyń aldynda ǵana «Severstaldy» san soqtyrǵan jerlesterimiz osy joly da jeńisti qarsylastarynyń ýysynan julyp áketti. 6-mınýtta Lınden Veı esep ashqanymen, 10 jáne 16-mınýttarda Sergeı Sapego men Taıler Graovas belorýssııalyq komandany alǵa shyǵardy – 1:2. Úzilisten keıin Kertıs Volk pen Roman Starchenko uıymdastyrǵan shabýyldy Nıkıta Mıhaılıs sátti aıaqtap, tarazy basyn teńestirdi – 2:2. Bul esep oıynnyń sońyna deıin saqtaldy. Overtaımda da jeńimpaz anyqtalǵan joq. Al býllıt soǵý barysynda «Barystyń» baǵy jandy – 3:2.
Osylaısha, 31 kezdesýden keıin 28 upaı jıǵan elordalyq hokkeıshiler turaqty birinshiliktiń jarys kestesinde 18-oryndy ıelenýde.
