Byltyr «Qarjylyq (ınvestısııalyq) pıramıdany qurý jáne oǵan basshylyq etý» baby boıynsha Qaırat Iztileýge qatysty tergeý júrdi. Oblystyq polısııa departamenti habarlandyrý arqyly jábirlenýshilerdi izdedi. Al búgin Aqtóbe qalasynyń №2 sotynda sottalýshy Qaırat Iztileýge qatysty qylmystyq is qaralyp, úkim shyqty.
Is materıalyna súıensek, 2020 jyldyń qańtar aıynan bastap 2020 jyldyń aqpan aıyna deıin Q.Iztileýdiń qarjy pıramıdasy bolyp tabylatyn fılıaldy basqaryp, «Golden city-200» JShS zańsyz qyzmetin júzege asyrǵan. Jalǵan sharttar jasasyp, azamattarǵa joǵary syıaqy úshin tólemder alatynyna kepildik bergeni anyqtaldy. Qylmystyq is-áreketterdiń nátıjesinde jábirlenýshilerge 71 550 000 kóleminde materıaldyq zalal keltirildi.
«Sot otyrysynda sottalýshy qylmys jasaǵany úshin ózine taǵylǵan aıyp boıynsha kinásin moıyndady. Sottalýshynyń kinási kýálar men jábirlenýshilerdiń bergen aıǵaqtary, sot otyrysynda zerttelgen is boıynsha basqa da dáleldemelerdiń jıyntyǵymen dáleldendi. Memlekettik aıyptaýshy sottan Q.Iztileýge 7 jyl merzimge basshylyq laýazymdy atqarý quqyǵynan aıyra otyryp, 6 jyl 6 aı merzimge bas bostandyǵynan aıyrý jazasyn taǵaıyndaýdy surady. Jaza taǵaıyndaý kezinde jeńildetilgen jáne aýyrlatatyn mán-jaılar eskeriledi. Sottalýshy Q.Iztileýdiń kámelet jasqa tolmaǵan balalary bar. Bul qylmystyq jaýaptylyqty jeńildetetin mán-jaılarǵa jatady. Memlekettik aıyptaýshy qylmystyq jaýaptylyqty aýyrlatatyn mán-jaılardy anyqtamady. Sot úkimimen Q.Iztileýge 7 jyl merzimge kommersııalyq mekemelerde basshylyq laýazymdy atqarý quqyǵynan aıyra otyryp, 6 jyl 6 aı merzimge bas bostandyǵynan aıyrý jazasy taǵaıyndalǵan. Jábirlenýshilerdiń paıdasyna 70 350 000 tenge óndirildi», dedi oblystyq sottyń baspasóz qyzmeti.
Sot úkimi zańdy kúshine engen joq.
