Memorandým ǵylymı-bilim berý quramdasyn, ınstıtýttyń dıagnostıkalyq jobalaryn damytýǵa baǵyttalǵan birlesken jobalardy iske asyrý, sondaı-aq maqsaty pasıentterge qoldaý kórsetý, olardyń densaýlyq jaǵdaıy men ómir sapasyn jaqsartý bolyp tabylatyn qaıyrymdylyq jáne áleýmettik mańyzy bar is-sharalardy uıymdastyrý jáne ótkizý arqyly QazORǴZI men Takeda kompanııasy arasyndaǵy yntymaqtastyqty nyǵaıtýǵa baǵyttalǵan.
«QazORǴZI» AQ Basqarma Tóraıymy, medısına ǵylymdarynyń doktory, Qazaqstan Respýblıkasy Ulttyq Ǵylym Akademııasynyń Akademıgi, QR Onkologtar qaýymdastyǵynyń prezıdenti Dılıara Kaıdarovanyń aıtýynsha, Qazaqstanda jyl saıyn onkologııalyq aýrýlarmen aýyratyn naýqastar sany artyp keledi. 2020 jyly 35 myńnan astam jańa jaǵdaı anyqtaldy.
«Qazaqstanda, búkil álemdegi sııaqty, qaterli isiktermen syrqattaný ósýde. Sondyqtan onkologııalyq aýrýlardy emdeý salasyndaǵy ǵylymı bazany damytý, onkologııalyq naýqastarǵa ýaqtyly jáne kásibı kómek kórsete alatyn mamandardy daıarlaý, aldyn alý jáne erte dıagnostıkalaý quraldaryn belsendi engizý jáne paıdalaný óte mańyzdy», deıdi Dılıara Kaıdarova.
Taraptar yntymaqtastyǵynyń sheńberinde Qazaqstanda ókpe qaterli isigi, Hodjkın lımfomasy jáne kóptegen mıelomasy bar pasıentter men olardyń otbasy múshelerine arnalǵan Mektepter ótkizý josparlanýda. Bul bastama onkologııalyq aýrýmen aýyratyn adamdarǵa jáne olardyń jaqyndaryna aýrýdyń barysy men boljamyna baılanysty qosymsha aqparat, ómir salty boıynsha usynystar, kásibı psıhologııalyq qoldaý alýǵa múmkindik beredi. Sonymen qatar, medısınalyq qoǵamdastyq ókilderine onkologııalyq aýrýlardyń patomorfologııalyq, morfologııalyq, molekýlalyq-genetıkalyq dıagnostıka boıynsha birqatar bilim berý is-sharalary ótkiziletin bolady.
Joba aıasynda ókpe qaterli isigin dıagnostıkalaý kezinde túrli mamandyqtaǵy medıkterdiń fýnksıonaldyq ózara árekettesýin kúsheıtý boıynsha mýltıdıssıplınarlyq top jumys isteıtin bolady. Jumys tobynyń quramyna hımıoterapııa, patomorfologııa, molekýlıarlyq genetıka salasyndaǵy mamandar kiretin bolady.
«Takeda bıofarmasevtıkalyq kompanııasy úshin onkologııalyq aýrýlardy emdeýge arnalǵan ınnovasııalyq dárilik zattardy ázirleý jáne óndirý basym baǵyt bolyp tabylady. Kún saıyn biz medısınalyq kómek kórsetýdi jetildirýge jáne qazaqstandyq pasıentter úshin ınnovasııalyq dárilik zattardyń qoljetimdiligin qamtamasyz etýge óz úlesimizdi qosýǵa tyrysamyz. Búgin qol qoıylǵan kelisim Takeda uıymynyń ómir súrý sapasyn jaqsartýǵa baǵyttalǵan jobalar arqyly onkologııalyq aýrýlarmen aýyratyn naýqastardy qoldaýǵa degen myzǵymas nıetin rastaıdy», dep túsindirdi «Takeda Qazaqstan» kompanııasynyń dırektory Sabıra Salyhova.
