Túrikmenstannyń beıtaraptyǵy bitimgershilik, beıbit sıpatqa ıe

Túrikmenstannyń Qazaqstandaǵy Tóten­she jáne ókiletti elshisi Batyr Red­je­pov jıynda sońǵy ýaqytta belsendi damyp kele jatqan Túrikmenstan-Qazaqstan baýyrlastyq qatynastaryna erekshe nazar aýdardy. Elshi atap ótkendeı, Tú­rik­menstan BUU Bas Assambleıasynyń tıisti qararlarymen eki ret rastalǵan ózi­niń turaqty beıtarap mártebesine súıene otyryp, álemniń kóptegen eli­men belsendi jáne syndarly dıalog júr­gizýdi qoldaıdy. Bul turǵyda Qazaq­stan­­men ózara baılanystardy damytý jáne nyǵaıtý Túrikmenstannyń syrt­qy saıası kún tártibinde mańyzdy oryn alady. «Túrikmenstannyń bastama­sy­men 2021 jyl Beıbitshilik jáne senim jyly dep jarııalanǵany belgili. О́ıtkeni Túrikmenstannyń beıtaraptyǵy bitimgershilik, beıbit sıpatqa ıe. Biz búkil álemde beıbitshilikti nasıhattaımyz», dedi B.Redjepov.

Sondaı-aq elshi Qazaqstan men Túrik­menstan arasyndaǵy ekijaqty ynty­maq­­tastyqqa toqtalyp ótti. Qazirgi tań­­da saıası-ekonomıkalyq jáne se­nim­di se­rik­testik negizinde qurylǵan Tú­rik­mens­tan-Qazaqstan dıalogy jańa ser­pin men mazmunǵa ıe. Bizdiń memlekettiń óza­ra yn­tymaqtastyǵy jeke múddeni kóz­de­­meıdi. Túrikmenstan men Qazaqstan Eýrazııa keńistiginde ıgilikti maqsattardy jú­zege asyrýda ekijaqty kúsh-jiger men ınfra­qu­rylymdy biriktirip, nátıjesinde aý­qymdy jobalar iske asyp jatyr», dedi ol.

Túrikmenstan elshisi eldiń óńirlik jáne jahandyq qaýipsizdikti nyǵaıtý máse­lelerinde de Qazaqstanmen belsendi ózara is-qımyl ornatqanyn atap ótti. Elshi iri halyqaralyq uıymdar sheń­be­rinde yntymaqtastyq pen birlesken qa­damdardy úılestirý deńgeıi joǵary ekenine erekshe toqtaldy. Qazaqstan tarapynan Túrikmenstannyń beıtarap syrt­qy saıası baǵyty men onyń bas­ta­ma­­larynyń, sonyń ishinde energe­tıka, kólik jáne ekologııa sııaqty halyqaralyq seriktestiktiń mańyzdy baǵyttary boıynsha qoldaý joǵary baǵalanady. «Ártúrli deńgeıdegi jemisti memleketaralyq baılanystar, ıaǵnı saıası-dıplomatııalyq, saýda-ekonomıkalyq jáne gýmanıtarlyq-mádenı áriptestik ózara tıimdi is-qımyl­dyń jarqyn mysaly ekenin aıta alamyz», dedi B.Redjepov.

Túrikmenstan men Qazaqstan BUU-nyń Qaýipsizdik Keńesi, Ekonomıkalyq jáne áleý­mettik keńes, Adam quqyqtary jó­nin­degi keńes jáne basqa da mańyzdy organdaryna saılaýda ózara qoldaý kórsetti. 2021 jyly Qazaqstan BUU qabyrǵasynda Túrikmenstannyń bastamasy boıynsha qurylǵan beıtaraptyq dostary tobyna jáne pandemııa kezinde, sonymen birge odan keıingi Ortalyq Azııadaǵy pre­ven­tıv­ti dıplomatııa jáne kóliktik yn­ty­maq­tastyq taqyryby bo­ıyn­sha qa­rar­lardyń birlesken avtor­ly­ǵyna qo­syldy. 2021 jylǵy maýsymda Elbasy Nursultan Nazar­baevtyń bastamasymen qu­rylǵan Azııa­daǵy ózara is-qımyl jáne senim sharalary keńesiniń (AО́SShK) ha­lyq­aralyq forýmynda Túrikmenstanǵa baı­­qaýshy mártebesin berý týraly sheshim qabyldandy.

Memleketter basshylary Gýrban­gýly Berdimuhamedov pen Qasym-Jomart Toqaev­tyń júıeli kezdesýleri, olar­dyń ózara jyly jáne senimdi qarym-qaty­nas­tary Túrikmenstan men Qa­zaq­stan­nyń ekijaqty jáne kópjaqty formatta, birinshi kezekte iri halyqaralyq uıym­dar aıasynda tabysty qurylatyn dás­túrli áriptestikti jandandyrý men keńeı­týge umtylysynyń úzdik dáleli. Jıyn barysynda B.Redjepov Qazaqstan Prezıdenti Qasym-Jomart Toqaevtyń 2021 jylǵy 5-6 tamyzdaǵy Ortalyq Azııa memleketteri basshylarynyń úshinshi konsýltatıvtik kezdesýine qatysý men Túrikmenstanǵa sapary týraly egjeı-teg­jeıli aıtyp berdi. «Qasym-Jomart Toqaevtyń Túrikmenstanǵa memlekettik sapary barysynda Memleketter basshylary Qazaqstanda Túrikmenstannyń Mádenı kúnderin atap ótý týraly keliskenine toqtaldy. El Prezıdentteriniń resmı kezdesýinen keıin ózara baılanys qaıta serpin aldy. Búginde biz Túrikmenstannyń Mádenı kúnderin atap ótý maqsatynda Qazaqstannyń Má­de­nı­et jáne sport mınıstrligimen bir­les­ken jumys istep jatyrmyz», dedi B.Redjepov.

Elshiniń aıtýynsha, atalǵan mádenı sharany ótkizý kelesi jylǵa josparlanyp otyr. «Sondaı-aq mádenı sharalardan bólek, ekijaqty saýda-ekonomıkalyq qatynas ta bir izge qoıylǵan. Olardyń arasynda yntymaqtastyq týraly dostyq qatynastar týraly shart bar. Odan bólek, Túrikmenstan Prezıdenti Gýrbangýly Berdimuhamedovtiń 2017 jyly Qazaqs­tan­ǵa jasaǵan memlekettik sapary sheńberinde qol qoıylǵan strategııalyq áriptestik týra­ly shart óz kúshinde», dedi elshi.