Sport • 26 Qarasha, 2021

Baqytjannyń baǵy jandy

37 ret kórsetildi

Almaty qalalyq Din isteri jó­nin­degi basqarmasynyń muryn­dyq bolýymen ústel tennısinen ja­maǵat arasynda dúbirli doda ótip, fınaldyq kezeńde 24 sportshy baq synady.

Aqtyq synǵa joldama alý úshin áýeli Almaty qalasynyń ár aýdanynda irikteý saıystary uıymdastyryldy. Oǵan 300-ge tarta úmitker qatysyp, solardyń arasynan úzdik shyqqandary fınalda kúsh synasý qurmetine ıe boldy. Olardyń barlyǵy da áýesqoı deńgeıdegi oıynshylar. Desek te, jarys barysynda kánigi kásipqoı tennısshilerdeı óz sheberlikterin kórsetti. Árbir kezdesý tartysqa toly boldy. Nátıjesinde, Alataý aýdanynda ornalasqan «Beket ata» meshitiniń namysyn qorǵaǵan Baqytjan Turǵyn men Medeý aýdanyndaǵy «Kóktóbe» meshitiniń atynan synǵa túsken Kenjebek Kamal sýyrylyp shyǵyp, bas júldeni ózara sarapqa saldy. Árbir soqqysynda tennıs sharyn dittegen jerine dóp túsirip, qorǵanysta da kóp qatelese qoımaǵan Baqytjan Turǵyn jarystyń bıylǵy jeńimpazy atandy. Kenjebek Kamal ekinshi oryndy ıelense, Áýezov aýdany «Taýgúl-3» meshitiniń atynan óner kórsetken Dıas Almabekov úshinsh satyǵa taban tiredi.

– Týrnır joǵary deńgeıde ótti. Qatysýshylardyń bári de jaqsy daıyndalyp kelgen eken. Qarsylastarymnyń barlyǵy da myqty boldy. Ásirese fınaldyq kezdesýde kóp ter tógýime týra keldi. Básekeniń sońyna deıin jeńimpaz bolamyn-aý degen oı bolǵan joq. Biraq búgin sáttilik maǵan kómektesti, – deıdi jarys jeńimpazy.

Alyp shahar – Almaty meshitteriniń jamaǵaty osylaısha bıylǵy maýsymdy ústel tennısi jarysymen túıindedi. Esterińizge sala ketsek, jyl basynan beri merekeli datalarǵa oraı birneshe ret spartakıada uıymdastyrylyp, qalamyzdyń myńdaǵan turǵyny qatysty. Odan ózge qazaq kúresi, voleıbol, fýtbol syndy buqaralyq sıpattaǵy sport túrlerinen de tartysty básekeler ótti.

Sońǵy jańalyqtar

Alvaresti Andrademen kezdespegeni úshin aıyptady

Kásipqoı boks • Búgin, 18:05

Sıngapýrdyń sońǵy aýyly

Álem • Búgin, 17:55

Ahmet Baıtursynulyna eskertkish ornatylady

Rýhanııat • Búgin, 17:20

Petr Iаn úzdikter qataryna endi

Jekpe-jek • Búgin, 16:05

Uqsas jańalyqtar