Babalar ańsaǵan asyl arman

Mańǵystaý óńirine Astanadan arnaıy top keldi. Túrli mınıstrlikterdiń ókilderinen quralǵan toptyń maqsaty – Memleket basshysynyń bıylǵy Joldaýyn nasıhattaý, túsindirý jáne osy oraıda óz salalarynda atqarylýǵa tıis jumystar men josparlar jaıly qulaǵdar etý. Qazaqstan Respýblıkasy Din isteri agenttiginiń tóraǵasy M.Ázil­hanov bastaǵan delegasııa Aq­taý­ǵa kelisimen ózara bólinip, Mań­ǵys­taý oblysynyń Mańǵystaý, Qaraqııa jáne Munaıly aýdan­darynyń aýyldaryn aralap, jurt­shylyqpen kezdesti. Mu­naı­lydaǵy «Qazaqstan temir joly» AQ, Qa­raqııadaǵy «Ersaı» JShS, Aq­taý qalasyndaǵy «Qazaqtelekom» AQ, Aqtaý halyqaralyq teńiz-saý­da porty, Sh.Esenov atyndaǵy KMTjIÝ ujymy, bilim berý sala­sy qyzmetkerlerimen kez­desip, Jol­daý jaıly oı órbitti, «Máń­gilik El» ıdeıasynyń negi­zin túsinip, ómir­sheń­digi úshin atsa­lysýǵa árbir qazaqtyń atsalysýy tıis ekenin aıtty. – Jyl saıynǵy Joldaýlardyń árqaısysynyń óziniń arqalaǵan júgi men jaýapkershiligi bar. Táýel­siz elimizdiń berik bolashaǵy úshin jasalýy tıis jumystardy aı­qyn kórsetip, qadaý-qadaý tap­syr­malardy ekshep beretin bul qu­jat­tar – bizdiń egemen eli­miz­di keleshekke bastap keledi. Eko­nomıkalyq-áleýmettik turǵydaǵy basym baǵyttar men baǵdarlardy, túrli qoldaýlardy aıtpaǵanda, bıylǵy Joldaýdyń eń basty  ereksheligi – «Máńgilik El» ıdeıa­sy­nyń usynylýy boldy. Bul biz­derdiń babalarymyz ańsaǵan arman, ıdeıa bizdiń zamanymyzda aıtyldy, qyzyǵyn kóretin bolashaq urpaq. Elbasy Joldaýynyń maq­saty búgindi ǵana emes, bola­shaq­ty baǵamdaýǵa, kúnine myń túrli qubylyp, kútpegen jańa­lyq­tar men ózgerister týyndap jatqan álem elderi arasynan óz ornymyzdy oıyp turyp alýǵa umtyldyrady, – degen elimizdiń Bilim jáne ǵylym vıse-mınıstri T.Balyqbaev Aqtaýdaǵy Sh.Esenov atyndaǵy KMTjIÝ stýdentteri men oqytýshylyq-professorlyq quramy aldynda mınıstrliktiń Joldaýdy júzege asyrý baǵy­tyndaǵy jumystary týraly áńgimeledi. Delegasııa basshysy M.Ázilhanov oblystaǵy Beket ata meshitinde, orys pravoslavıe shirkeýinde bolyp, aımaqtaǵy birqatar basqarmalar basshylarymen júzdesti. О́ńirde teolog mamandardyń jetispeıtindigin bilip, halyqqa dinı nasıhat júr­gizýdegi moldalardyń jaýap­kershiligi týraly aıtqan agenttik basshysy aımaqtaǵy dinı ahýaldy turaqty dep baǵalady. Gúlaıym ShYNTEMIRQYZY, «Egemen Qazaqstan». Mańǵystaý oblysy.