Álem • 28 Qarasha, 2021

Qyrǵyzstanda Jogorký Kenesh depýtattaryn saılaý bastaldy

97 ret kórsetildi

Búgin, 28 qarashada Qyrǵyzstanda Jogorký Kenesh depýtattaryn saılaý bastaldy, dep habarlaıdy Egemen.kz Kabarǵa silteme jasap.

OSK ókili Nurjan Shaıldabekova habarlaǵandaı, Jogorký Keneshtiń jańa quramy 90 depýtattan turady, olar aralas saılaý júıesi boıynsha 5 jyl merzimge saılanady.

Máselen, Jogorký Keneshtiń 54 depýtaty biryńǵaı saılaý okrýgi boıynsha proporsıonaldy júıe arqyly (Saıası partııalar kandıdattarynyń ashyq tizimderi boıynsha) saılanady, 36 depýtat bir mandatty saılaý okrýgterinde majorıtarlyq júıe boıynsha saılanady.

OSK ókili Nurjan Shaıldabekovanyń aıtýynsha, Qyrǵyzstanda 2 435 saılaý ýchaskesi ashyldy. Shetelde 59 saılaý ýchaskesi jumys isteıdi.

«Barlyq saılaý ýchaskeleri qajetti jabdyqtarmen jáne materıaldarmen jabdyqtalǵan», dedi ol.

Ol bir okrýg boıynsha saılaýshylardyń jalpy sany 3 mln 703 myń 420 saılaýshyny quraıtynyn atap ótti. Bir mandatty okrýg boıynsha - 3 mln 619 myń 292 (shetelde tirkelgen saılaýshylardy eseptemegende).

Onyń aıtýynsha, daýys berý barysyna monıtorıng júrgizý úshin OSK 736 halyqaralyq baıqaýshyny akkredıttedi.

Sońǵy jańalyqtar

Petropavlda jas jigitti KamAZ qaǵyp ketti

Aımaqtar • 27 Mamyr, 2022

Uqsas jańalyqtar