Qurbandardy aqtaý máselesi ǵylymı turǵyda zerdelendi

Otyrysta aımaqtaǵy saıası qý­ǵyn-súrginge ushyraǵan azamat­tar jerlengen aýmaqtardy anyqtaý, jazyqsyz sottalǵandardy aqtaý máselesin ǵylymı turǵyda zerdeleý jumystary týraly oblystyq máslıhat hatshysy, respýblıkalyq komıssııa múshesi Naýryzbaı Baıqa­damov baıandama jasady. О́ńirlik komıssııa jumysyn úılestirý bo­ıynsha atqarylǵan jumystar men aldaǵy josparlar jaıly oblystyq ishki saıasat basqarmasynyń basshysy, óńirlik komıssııa hatshysy Mıra Qazbekova aıtyp ótti.

Oblys ákimi saıası qýǵyn-súrgin qurbandaryn aqtaý baǵytyndaǵy jumystarǵa baǵa berip, aldaǵy mindetterdi aıqyndady.

– Qolda bar málimetterge qara­ǵan­da, oblys boıynsha 4 038 otbasy qýǵynǵa ushyrap, 1 153 adam atylyp ketken. Jalaly bolyp jan qıǵan osy azamattardy aqtaý baǵytynda birshama jumystar júr­gizildi, ol aldaǵy ýaqytta da jal­ǵasyn tabýy qajet, – dedi G.Ábdiqalyqova.

Naýryzbaı Baıqadamovtyń aıtýynsha, saıası qýǵyn-súrgin qur­bandaryn tolyq aqtaý jónindegi óńirlik komıssııanyń jumys toby búginde qupııa qorlarmen jumys istep, kóptegen materıalǵa qol jetkizgen. Oblystyq Polısııa depar­tamenti muraǵatyndaǵy 3 qor­da 4 669 tulǵaǵa qatysty, 3 016 qyl­mystyq is saqtalyp tur.

Komıssııa jumysy barysyn­da ótken ǵasyrdaǵy túrli qozǵalysqa qatysqandardyń, saıası qýǵyn-súr­gin qurbandarynyń, kúshtep kóshi­rilgender men arnaıy qo­nys­­tanýshy­lardyń qujattary anyq­taldy. Soǵys jyldary keńes­tik áskerı tutqyndar qatarynan qurylǵan Túrkistan legıo­ny sar­bazdarynyń isteri negizinde azamattardy aqtaýǵa usynystar ázirlený ústinde.

Oblystyq ishki saıasat basqarma­synyń basshysy Mıra Qazbekova búginge deıin óńirlik komıssııa jáne jumysshy toptyń 4 otyrysy ótkizilgenin aıtyp ótti. Komıssııa jáne jumysshy top quramyna engizilgen ǵalymdar bekitilgen kes­tege sáıkes memlekettik mekemeler men oblystyq arhıv muraǵatyndaǵy qupııa qujattardy zertteýde. Olar úshin Qorqyt ata atyndaǵy Qy­zylorda ýnıversıtetiniń bazasyn­daǵy «Mustafa Shoqaı» ǵylymı-zertteý ortalyǵy janynan jáne oblys ortalyǵyndaǵy muraǵattarda, Á.Tájibaev atyndaǵy oblystyq ámbebap kitaphanada arnaıy jumys bólmeleri jasaqtalǵan.

Saıası qýǵyn-súrgin qurbanda­ryn tolyq aqtaý jónindegi óńirlik komıssııanyń jumysyn úılestirýge oblystyq bıýdjetten qarjy qa­ra­lyp, «Saıası qýǵyn-súrgin qur­ban­daryn aqtaý máseleleri jónindegi óńirlik ekspedısııa jumysyn úı­lestirý» áleýmettik jobasy jú­zege asyrylýda.

Jıyndy qorytyndylaǵan oblys ákimi óńirlik komıssııanyń jumysyn jandandyrý maqsatynda ishki saıasat basqarmasyna birqatar tapsyrma júktedi.

– Respýblıkalyq komıssııa ta­rapynan engizilgen usynystar hat­­tamalyq tapsyrmaǵa engizilip, ob­lystyq jumysshy top músheleri­niń zerttegen materıaldary men tyń jazbalarynan jınaq shyǵarýǵa qajetti qarajat jaıly usynys ázirlenýi kerek. Keler jyly ju­mys­shy top quramyna mádenıet, arhıv jáne mýzeı salasynyń mamandaryn qosqan jón. Jumysshy top jumysyn aqparattandyrýǵa arnalǵan keshendi medıa-jospar ázirlep, bekitýge usynyńyzdar, – dedi Gúlshara Naýshaqyzy.

Oblystyq mádenıet, arhıvter jáne qujattama basqarmasyna aımaq arhıvterindegi saıası qý­ǵyn-súrgin qurbandary týraly qu­jattarǵa qosymsha zerde­leý ju­mystaryn júrgizip, ony ob­lystyq jumysshy toppen birle­sip taldaý tapsyryldy. Jazyqsyz jalaly bolǵandar jerlengen aýmaqtarǵa belgi qoıý, zulmat jyldar zardaby tıgen qaırat­kerler týraly ar­naıy aqpa­rattyq kitapshalar ázirleý mindetteldi. Oblystyq prokýratýra, Ulttyq qaýipsizdik komıteti, Ishki ister departamenti saıası qýǵyn-súrgin qurbandary týraly jabyq arhıv qorlaryndaǵy qujattardy jan-jaqty zerdeleý jáne olardy kezeń-kezeńimen qupııasyzdandyrý jóninde tıisti jumystardyń júrgizilýine yqpal jasaýy qajet.

QYZYLORDA