Is-sharaǵa QR Parlamenti Májilisiniń depýtaty Vera Kım, AQDM Azamattyq qoǵam isteri komıtetiniń tóraǵasy Madııar Qojahmet, óńirlik front-ofıster men ÚEU ókilderi qatysýda.
Kezdesý barysynda qatysýshylar óńirlik Front-ofısterdiń jumysy jáne 2021 jylǵy jumys qorytyndylary týraly habardar etip, volonter jumysyndaǵy qyzyqty tájirıbelerimen bólisti.
Jalpy, qatysýshylar pandemııa kezindegi volonterlik máselelerin, volonterlikti odan ári de qoldaý sharalary men volonterlik qyzmetti júzege asyrýdaǵy ózekti máselelerdi jan-jaqty talqylady. Sonymen qatar, konferensııada volonterlikti qoldaýdyń biryńǵaı standartyn, volonterlik qyzmettiń túrli baǵyttary boıynsha oqytý baǵdarlamasyn, sondaı-aq ozyq tájirıbe jınaǵyn tanystyrý josparlandy.
Madııar Qojahmet volonterlerdi kele jatqan merekemen quttyqtap, volonterliktiń álemdegi mańyzdy rólin atap ótti. Atap aıtqanda, ol júrgizilip jatqan jumystar týraly aıtyp, volonterlerdiń quqyqtaryn keńeıtý jáne yntalandyrý máselesine zańnamalyq túzetýler engizý qaralyp jatqanyn aıtty.
Sonymen qatar, volonterlikti qoldaý standarty men arnaıy daıyndyq baǵdarlamasy ázirlenýde. Aldaǵy aýqymdy maqsattardyń qatarynda Madııar Qojahmet Memleket basshysy Q.K.Toqaevtyń BUU volonterlerin jumyldyrýdyń halyqaralyq jylyn jarııalaý týraly bastamasyn iske asyrýdy atady.
«Volonterler kúndelikti qoǵamdyq, áleýmettik, turmystyq máselelerdi sheshýde únemi aldyńǵy qatarda júr. Bul - qarapaıym azamattardyń baǵa jetpes eńbegi jáne naǵyz patrıotızmniń sımvoly. Memleket volonterlikti azamattyq qoǵamnyń aýqymdy ınstıtýty retinde qoldaýdy jalǵastyrýdy kózdeıdi. Bul bizdiń halqymyzdyń ál-aýqatyn arttyrýǵa yqpal etedi», dedi QR AQDM Azamattyq qoǵam isteri komıtetiniń tóraǵasy.
Is-sharany Aqparat jáne qoǵamdyq damý mınıstrligi, «Rýhanı jańǵyrý» qazaqstandyq qoǵamdyq damý ınstıtýty, KEAQ jáne «Birgemiz» respýblıkalyq volonterler front-ofısi birlesip uıymdastyrdy.
