Medısına • 29 Qarasha, 2021

Qazaqstanda qaterli isikke qarsy dári-dármek shyǵarý josparlanýda

Búgin Jenevada Memleket basshysynyń sapary aıasynda Qazaqstan-Shveısarııa bıznes-forýmy ótti, dep habarlaıdy Egemen.kz.

Forýmda Qazaqstan Respýblıkasynyń Prezıdenti Qasym-Jomart Toqaev pen Roche farmasevtıkalyq kompanııalar toby dırektorlar keńesiniń tóraǵasy Krıstof Frans QR Densaýlyq saqtaý mınıstrligi men Roche kompanııasy arasynda strategııalyq áriptestik týraly negizdemelik kelisimge qol qoıylǵan kezdesý ótkizdi.

Negizdemelik kelisim Qazaqstan Respýblıkasynyń aýmaǵynda farmasevtıkalyq ónerkásipti damytý jáne dárilik zattardyń jergilikti óndirisiniń úlesin ulǵaıtý, atap aıtqanda, onkologııalyq aýrýlardy emdeýge arnalǵan dárilik zattar óndirisin oqshaýlaý jónindegi jobany iske asyrý maqsatynda QR Densaýlyq saqtaý mınıstrligi men Roche kompanııasy arasyndaǵy yntymaqtastyqtyń qaǵıdattary men nıetin belgileýge baǵyttalǵan.

Qymbat baǵaly ınnovasııalyq ónimder óndirisin damytý, salany tehnologııalar transferi, biregeı dárilik zattardy oqshaýlaý jáne sýbstansııalar óndirisi baǵytynda ilgeriletý búgingi kúni sala úshin mańyzdy mánge ıe. Otandyq óndiristi damytý úshin qýatty yntalandyrý BIGPHARMA TOP-50 iri álemdik farmasevtıka ındýstrııasymen ózara is-qımyldy damytý bolyp tabylady.

Sondaı-aq QR Densaýlyq saqtaý mınıstrliginiń basshysy Sandoz-tiń Eýropa boıynsha basshysy jáne Sandoz Atqarýshy komıtetiniń múshesi Rebekka Gýnternmen kezdesý ótkizdi, onda QR-da dárilik zattar-generıkter men bıosımılıarlar óndirisin oqshaýlaý boıynsha jobany iske asyrý máseleleri talqylandy.

Sonymen qatar QR DSM basshysy Alekseı Soı «m-3 Group» holdınginiń prezıdenti Abdalla Shatılamen kelissózder júrgizdi.

Taraptar birlesken yntymaqtastyqqa qyzyǵýshylyq tanytyp, «m-3 Group» holdınginiń usynystaryn qaraýǵa daıyn ekendikterin bildirdi.

Esterińizge sala keteıik, QR Densaýlyq saqtaý mınıstrligi men «m-3 Group» holdınginiń ókilderi arasynda yqtımal yntymaqtastyq máselelerin talqylaý boıynsha onlaın-kezdesý ótti. Kezdesý aıasynda QR BǴM «Bıologııalyq qaýipsizdik problemalarynyń ǴZI» men holdıng arasynda Medısınalyq jáne veterınarııalyq vaksınalardy óndirý men eksporttaýdy uıymdastyrý úshin yntymaqtastyq týraly Memorandýmǵa qol qoıyldy.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz