Prezıdent • 29 Qarasha, 2021

Memleket basshysy Halyqaralyq Qyzyl Krest komıtetiniń prezıdentimen kezdesti

111 ret kórsetildi

Memleket basshysy Jenevada Halyqaralyq Qyzyl Krest komıtetiniń prezıdenti Peter Maýrermen kezdesti, dep habarlaıdy Egemen.kz Aqordaǵa silteme jasap.

Kezdesý barysynda Qazaqstan men Halyqaralyq Qyzyl Krest komıteti arasyndaǵy yntymaqtastyqty nyǵaıtýdyń perspektıvalary talqylandy. Sondaı-aq halyqaralyq jáne aımaqtyq kún tártibindegi ózekti máseleler boıynsha oı-pikirler ortaǵa salynyp, Aýǵanstandaǵy gýmanıtarlyq jaǵdaı sóz boldy.

Repatrıasııa jáne reıntegrasııa, otbasylardyń qaýyshý jáne qaqtyǵys aımaqtarynan oralǵan azamattarǵa psıhologııalyq kómek kórsetý máseleleri boıynsha elimiz ben Komıtet arasyndaǵy ózara tabysty yqpaldastyq atap ótildi.

Qasym-Jomart Toqaev Komıtettiń qyzmetin tolyq qoldaıtynyn naqtylap, osy uıymnyń basshysy laýazymyndaǵy Peter Maýrerdiń atqaryp jatqan jumysyn joǵary baǵalady.

Memleket basshysy Halyqaralyq Qyzyl Krest komıtetine Qazaqstannyń Qorǵanys mınıstrligimen bitimgerlik operasııalar júrgizý máseleleri boıynsha ózara tabysty yqpaldastyǵy úshin rızashylyǵyn bildirdi. Qasym-Jomart Toqaev qazaqstandyq áskerılerdiń BUU-nyń bitimgerlik mıssııalaryna qatysý geografııasyn keńeıtý jospary týraly aıtty.

Peter Maýrer Qasym-Jomart Toqaevqa kezdesýge múmkindik bergeni úshin alǵys bildirip, Komıtettiń qazirgi qyzmeti men jospary jóninde málimet berdi. Sondaı-aq elimizdiń aýǵan halqyna gýmanıtarlyq kómek kórsetý jónindegi kúsh-jigerin joǵary baǵalady.

Sońǵy jańalyqtar

Uqsas jańalyqtar