Memleket basshysynyń «Halyq únine qulaq asatyn memleket» tujyrymdamasy negizinde qala ákimi Murat Áı̆tenovtiń qoldaýymen ótken jyly Shymkent qalasynyń sıtýasııalyq «iKomek» ortalyǵy qurylǵan bolatyn.
@ikomek109.shymkent ortalyǵy basqarmalar, aýdan ákimdikteri men kommýnaldyq kásiporyndardyń baı̆lanys ortalyqtaryn biriktiretin jáne 24/7 tártibinde jumys jasaı̆tyn jalǵyz ortalyq. Ol jergilikti turǵyndardyń ótinishterin qabyldaý, oryn alǵan jaı̆ttardy, apattardy, kommýnaldyq jáne jedel qyzmetter jumysyn úı̆lestirýge baǵyttalǵan. Munda barlyq ótinishter óńdelip, tirkelip, arnaı̆y tizimge engiziledi.
«iKomek» ortalyǵyna bir jarym jyl ishinde 230 904 aryz-shaǵym kelip túsken. 228 582 ótinish oryndalǵan, 1580 ótinish qaralýda. Olardyń arasynda túrli sebeptermen, merzimi ótkender de kezdesedi.
Jınalysta shahar basshysy turǵyndardyń «109» ortalyqqa habarlasqany ákimdikke degen senimderiniń belgisi, senimdi aqtaý úshin tyńǵylyqty jumys jasaý qajettigin basa aıtty.
«Ortalyq halyqpen keri baılanys ornatýdyń tıimdi quraly retinde arnaıy ashyldy. Qalamyzda túrli máseleniń bary anyq. Azamattar sony bizge jetkizý úshin 109-ǵa habarlasady. Kelip túsken árbir aryz-shaǵym tikeleı meniń baqylaýymda. Merzimi keshiktirilgen máselege jaýapty maman qatań jaýapkershilikke tartylatynyn eskertemin. Kelip túsken shaǵymdar arqyly salalardyń osal tustaryn kórýge bolady, sol arqyly aı saıyn basqarma jáne ákimdikterdiń reıtıngisi júredi. Sondyqtan jumysymyzdy jaýapkershilikpen atqaraıyq. Máselege meniń quzyryma kirmeıdi dep emes, birlese shesheıik dep qaraý qajet», dedi ákim.
