Aımaqtar • 30 Qarasha, 2021

Qaraǵandy men Temirtaý qalalary ortalyq gaz jelisine qosyldy

64 ret kórsetildi

Qaraǵandy oblysynyń turǵyndary Tuńǵysh Prezıdent kúni merekesi men Táýelsizdiktiń 30 jyldyǵy qarsańynda «Saryarqa» magıstraldyq gaz qubyry arqyly kópten kútken kógildir otynǵa qol jetkizdi, dep jazady Egemen.kz.

Ortalyqtandyrylǵan gaz jelisine alǵashqy bolyp Qaraǵandy men Temirtaý qalalary qosyldy. Metallýrgter qalasynyń turǵyny Vıacheslav Brajnıkov óziniń qýanyshynda shek joq ekenin aıtady.

– Kómir tasý, kúl shyǵarýdyń azaby qandaı ekenin kóp adam bile bermeıdi. Qazir aýyr jumysqa shamam da kelmeıdi. Endi kómir tasyp, azaptanýdyń qajeti joq. Qosyp qoıyp, arasynda baqylap turamyn. «QazTransGaz» qyzmetkerlerine alǵysym sheksiz, – deıdi ol qýanyshyn jasyra almaı.

Vıacheslav Brajnıkovtyń úıine gaz arqyly jylytýǵa qajetti barlyq tehnıka ornatylǵan. Tipti ıis tııýdiń aldyn alatyn qaýipsizdik qurylǵysy da bar.

shd

Qazirgi tańda Temirtaý qalasy boıynsha 500-ge jýyq úı gazǵa qosylýǵa daıyn. 2025 jylǵa qaraı qaladaǵy bes myńǵa tarta turǵyn úıge ortalyqtandyrylǵan gaz tartylady. Sondaı-aq,  aldaǵy ýaqytta óńirdegi iri kásiporyndardy da birtindep gazǵa qosý jumystary júrgiziledi. Bul aýaǵa jiberiletin zııandy qaldyqtardyń kólemin azaıtyp, ekologııalyq máselelerdi ońtaıly sheshýge múmkindik beredi.

Jalpy Qaraǵandy qalasynda eki qosý kesheni salynyp, 64 shaqyrymnan astam gaz qubyry tartyldy. Jobanyń birinshi kezeńinde úsh myńǵa jýyq úıdi gazdandyrýǵa múmkindik berse, aldaǵy ýaqytta taǵy 13 myńǵa jýyq tutynýshy kógildir otynǵa qol jetkizedi.

Qaraǵandy oblysynyń ákimi Jeńis Qasymbek Táýelsizdiktiń 30 jyldyǵy men Tuńǵysh Prezıdent kúni qarsańynda ótken is-sharany úlken jetistik dep sanaıtynyn málimdedi.

– Úsh jyl buryn «Saryarqa» gaz qubyryn salý jobasy bastalǵan bolatyn. Magıstraldyq jelilerdi tartý ótken jyly aıaqtaldy. Bıyl úılerge taratý jelileri júrgizilip, jumystar sátti aıaqtaldy. Bul halyqtyń turmys jaǵdaıyn jaqsartýǵa jáne kóptegen ekologııalyq máselelerdi ońtaıly sheshýge múmkindik beredi,– dedi oblys basshysy.

j

Qaraǵandydaǵy gazdyń kelýin qala turǵyndary zor qýanyshpen qarsy aldy. Ásirese, Mıhaılov shaǵyn aýdanynda turatyn Jeńisbek Súıindikuly esimdi qarııanyń qýanyshy erekshe boldy.

– Biz úshin búgin armandardyń oryndalǵan kúni. О́zim jer úıde turǵandyqtan ot jaǵýdyń qıyndyǵyn bir kisideı bilemin. Gaz ben kómir arasyndaǵy aıyrmashylyqty da bilesizder. Kómirdiń shańymen únemi dem alý aǵzaǵa zııandy. Barlyq qala turǵyndaryn búgingi qýanyshtarymen quttyqtaımyn. Osy iske bastamashyl bolǵan adamdarǵa alǵysym sheksiz, – deıdi qala turǵyny.

Qaraǵandy oblysynyń iri úsh qalasynda gaz qubyrlaryn tartý jobasynyń birinshi kezeńi aıaqtaldy. Nysandar «QazTransGaz Aımaq» AQ  basqarýyna berildi. Onyń mindetterine gazdy taratý ,tasymaldaý kiredi. Aldaǵy kúnderi Jezqazǵan qalasyndaǵy úıler gazǵa qosylady dep josparlanýda.

Sonymen qatar, búgin Elbasynyń eńbek joly bastalǵan – Temirtaý qalasynda Tuńǵysh Prezıdent kúni erekshe atap ótildi. Osyǵan oraı metallýrgter qalasynda kóptegen ult pen ulystyń basyn biriktiretin Dostyq úıi ashyldy.

Jańa áleýmettik nysandy Qaraǵandy oblysynyń ákimi Jeńis Qasymbek aralap, qoǵam belsendilerin qonys toıymen quttyqtady.

Kásiptik-tehnıkalyq ýchılısheniń bos turǵan ǵımaraty qaıta túlep, «Dostyq úıine» aınaldy. Ǵımaratta etnomádenı birlestikter, ÚEU, jastar jáne eriktiler uıymdaryna arnalǵan  57 kabınet jabdyqtalǵan. Tipti shyǵarmashylyq jastar úshin arnaıy medıa stýdııasy da bar.

Sondaı-aq, munda túrli ult ókilderi memlekettik tildi úırenip, jetildire alatyn til klýby jumys isteıdi. Aldaǵy ýaqytta «Rýhanı jańǵyrý» baǵdarlamasy aıasynda medıasııa kabınetterin ashý josparlanǵan.

h

Igi is-sharalardyń sońy Temirtaýdaǵy Tuńǵysh Prezıdenttiń tarıhı-mádenı ortalyǵynda saltanatty is-sharaǵa ulasty. Oǵan Elbasynyń eńbek jolyndaǵy áriptesteri men Táýelsizdiktiń qurdastary qatysty.

Ortalyqta sóz sóılegen Jeńis Qasymbek Táýelsizdik jyldary qol jetkizilgen tabystarǵa qysqasha sholý jasady.

– Bıyl Táýelsizdiktiń 30 jyldyǵyn qorytyndylaı kele, bizdiń elimiz Tuńǵysh Prezıdenttiń basshylyǵymen jahandyq tarıh úshin qysqa merzim ishinde konomıkalyq, saıası jáne mádenı serpilis jasaǵanyn aıqyn kórýge bolady. Josparly qurylǵan qolaıly ınvestısııalyq ahýaldyń arqasynda aımaǵymyzda jańa tehnologııalardy qoldana otyryp, 100-ge jýyq iri jańa kásiporyndar paıda boldy. Shıkizat óńirinen biz damyǵan kásipkerlik klasterge deıin óstik. Búginde oblystyń árbir úshinshi turǵyny shaǵyn jáne orta bızneske tartylǵan, – dep atap ótti ol óz sózinde.

Oblys basshysy sharaǵa qatysqan Elbasynyń eńbek jolyndaǵy seriktesterine alǵys sezimin jetkizdi. Al Nursultan Ábishuly Nazarbaevpen  birge jumys istegen  ardagerler Tuńǵysh Prezıdenttiń jastyq shaǵy men Temirtaýǵa saparlary týraly estelikterimen bólisti. Sonymen birge Táýelsizdik qurdastary ózderiniń ártúrli salalardaǵy jetistikteri týraly aıtyp berdi.

Sońǵy jańalyqtar

Bir kúnde 3907 adam koronavırýstan aıyqty

Koronavırýs • Búgin, 09:45

15169 adam koronavırýs juqtyrdy

Koronavırýs • Búgin, 09:17

Uqsas jańalyqtar