Qazaqstan • 01 Jeltoqsan, 2021

Búgin – Tuńǵysh Prezıdent kúni

140 ret kórsetildi

Búgin – Qazaqstan Respýblıkasynyń Tuńǵysh Prezıdenti kúni, dep habarlaıdy Egemen.kz.

Aıtýly data osydan 10 jyl buryn, naqty aıtsaq, 2011 jyldyń 10 jeltoqsanynda QR Parlamenti Senaty depýtattarynyń bastamasymen bekitilgen bolatyn.

«Qazaqstan Respýblıkasyndaǵy merekeler týraly» QR Zańyna tolyqtyrý engizilip, 1 jeltoqsan Qazaqstan Respýblıkasynyń Tuńǵysh Prezıdenti kúni dep belgilendi. 1991 jyldyń 1 jeltoqsanynda Nursultan Nazarbaev Táýelsiz qazaq eliniń tuńǵysh Prezıdenti retinde qyzmetke kiristi.

Atalmysh merekeniń 1 jeltoqsan saıyn toılanýynda osyndaı mán bar. KSRO ydyraǵan tusta táýelsizdigin jarııalaǵan Qazaqstannyń tuńǵysh Prezıdenti bolǵany eskerilip, sol tusta qolǵa alynyp, júzege asqan túrli bastamalar men reformalar, memleket qurý jolynda jasalaýy tıis standartty sharalardyń bári Elbasy esimimen birge atalyp júr.

Araǵa ǵasyrlar salyp, memlekettiligin qaıtarǵan qazaq eliniń alǵashqy basshysy bolǵanyna oraı, tuńǵysh Prezıdent erekshe quqyqqa ıe tulǵa bolyp sanalady. Onyń táýelsizdiktiń eleń-alań shaǵynda atqarǵan qyzmeti zańnamalyq turǵydan joǵary baǵasyn alǵan. «Tuńǵysh Prezıdent», «Elbasy», «Ult kóshbasshysy» degen resmı mártebeleri bar.

Nursultan Nazarbaevtyń Qazaqstan tarıhyndaǵy orny týraly qalam terbeıtin keıbir tarıhshylar men saıasattanýshylar eldegi eń súıekti jobalar men eleýli tarıhı oqıǵalardyń báriniń bastaýynda Elbasy turǵanyn jazyp júr. Atap aıtsaq, QR Qarýly kúshteriniń qurylýy, shekaranyń delımıtasııasy men demarkasııasy, ulttyq valıýta – teńgeniń aınalymǵa shyǵýy, el astanasynyń Almatydan Aqmolaǵa aýystyrylýy, Semeı ıadrolyq synaq polıgonynyń jabylýy, ulttyq altyn-valıýta qorynyń qurylýy, Konstıtýsııanyń birneshe ret jetildirilýi, Eýrazııalyq jeonomıkalyq odaqtyń qurylýy jáne oǵan Qazaqstannyń múshe retinde kirýi sııaqty oqıǵalardy Elbasynyń eńbegi retinde baǵalaý úrdisi bar.

Qazaqstannyń damý baǵytyn aıqyndap otyrǵan «Qazaqstan-2050» strategııasy da Elbasynyń bastamasymen qabyldanǵan. 2019 jyldyń 19 naýryzynda Nursultan Nazarbaev óziniń Prezıdenttik ókiletin qazirgi Prezıdent Qasym-Jomart Toqaevqa tabystady. Osy oqıǵanyń aıasynda Astananyń ataýy Tuńǵysh Prezıdenttiń atyna Nur-Sultan bolyp aýystyryldy.

Sońǵy jańalyqtar

Ýtıl alymy ýaqytsha toqtatyldy

Ekonomıka • Búgin, 12:51

Elordada avtokólik aýdarylyp qaldy

Elorda • Búgin, 12:18

Dennı Dıgnam Jánibekpen jekpe-jekke daıyn

Kásipqoı boks • Búgin, 11:43

Dollar baǵasy arzandady

Ekonomıka • Búgin, 11:32

Uqsas jańalyqtar