Aımaqtar • 01 Jeltoqsan, 2021

Shymkent pen Adana qalalary arasynda eki jaqty kelisimge qol qoıyldy

72 ret kórsetildi

Shymkent qalasy men Túrkııa Respýblıkasynyń Adana qalalary arasyndaǵy baýyrlastyq kelisim ornatý boıynsha is-shara ótti. Zoom platformasy arqyly onlaın qol qoıý rásimine Shymkent qalasynyń ákimi Murat Áıtenov pen Adana qalasynyń meri Zeıdan Karalar myrza qatysty, dep jazady Egemen.kz.

Taraptar Shymkent pen Adana qalalary arasyndaǵy saýda-ekonomıkalyq, ónerkásiptik, týrızm, sport, mádenı jáne áleýmettik salalary arasynda ózara yqpaldastyq jáne yntymaqtastyqty ornatý boıynsha eki jaqty kelisimge keldi. Birqatar sala jetekshilerimen yntymaqtastyqty nyǵaıtý boıynsha perspektıvalyq máseleler talqylandy.


Búginde Shymkent qalasynda túrik ınvestorlarymen birlese 55 mln AQSh dollaryna 6 joba (aıaq kıim óndirisi, alıýmın profılderi, kúnbaǵys tuqymyn qaıta óńdeý jáne t.b) iske asyrylǵan.

Qala ákimi M.Áıtenov eki jaqty kelisim iskerlik baılanystar ornatýǵa, birlese damýǵa zor serpin beretinin atap ótti. Eki qala arasyndaǵy barlyq qundylyqtardy saqtap, olardy damytý jáne ózara baılanystardy nyǵaıtý taraptardyń negizgi maqsaty bolmaq.

«Qalada qolaıly bıznes ahýalyn damytý úshin barlyq jaǵdaı jasalǵan. Shymkent pen Adana qalalary arasynda baýyrlastyq qarym-qatynastyń ornaýy syrtqy ekonomıkalyq baılanystarǵa, kásipkerlik qyzmet salasyn keńeıtýge, qalalar arasyndaǵy týrıstik yntymaqtastyqty ornatýǵa úlken serpin berip, jalpy ekonomıkalyq deńgeıdiń artýyna alyp keledi.
Bul kelisim eki el arasyndaǵy áriptestikti odan ári nyǵaıtýǵa negiz bolary sózsiz», dedi shymkent qalasynyń ákimi.

Shymkent qalasy ákiminiń orynbasary Maqsut Isahovtyń moderatorlyǵymen ótken jıynǵa, Shymkent qalasy máslıhatynyń hatshysy Bahadyr Narymbetov, qalalyq máslıhat depýtattary, Túrkııa Respýblıkasynyń Shymkent qalasy men Túrkistan oblysyndaǵy qurmetti bas konsýly Latıfsha Asanov pen «Ball – Textile» kompanııasynyń óndiris basshysy Ogýz Dýrrý qatysty.

Búginge deıin Shymkent qalasy sheteldik toǵyz qalamen baýyrlastyq ornatqan bolsa, onyń ishinde Túrkııanyń Izmır jáne Eskıshehır qalalary da bar. Adana qalasy Túrkııanyń eń iri, tórtinshi qalasy. О́nerkásibi damyǵan (maqta, sıtrýs jemisteri, suly jáne kúnjit) iri aýylsharýashylyq ortalyǵy.
Kezdesý sońynda Shymkent pen Adana qalalary arasynda eki jaqty yntymaqtastyq ornatý memorandýmyna qol qoıyldy.

Sońǵy jańalyqtar

«Kanelony» jeńýdiń jalǵyz joly aıtyldy

Kásipqoı boks • Búgin, 18:00

Qazaqstandyq olımpıadashylar Beıjińge jetti

Fotogalereıa • Búgin, 17:20

Ýtıl alymy ýaqytsha toqtatyldy

Ekonomıka • Búgin, 12:51

Elordada avtokólik aýdarylyp qaldy

Elorda • Búgin, 12:18

Uqsas jańalyqtar