Qazaqstan • 02 Jeltoqsan, 2021

Raqymshylyq – zańdy buzǵandarǵa memlekettiń bildirgen senimi – M.Áshimbaev

129 ret kórsetildi

Táýelsizdiktiń 30 jyldyǵyna baılanysty Parlament Raqymshylyq týraly zań qabyldaǵany belgili. Atalǵan zańǵa qatysty Senat tóraǵasy Máýlen Áshimbaev pikir bildirdi, dep habarlaıdy Egemen.kz.

«Búgin biz Memleket basshysynyń tapsyrmasy boıynsha daıyndalǵan mańyzdy zańdy qabyldadyq. Raqymshylyq – bul gýmanızm aktisi, zańdy buzǵan adamdarǵa qatysty memlekettiń izgi nıeti men bildirgen senimi. Ol ardagerlerge, kámelet jasyna tolmaǵandarǵa, egde jastaǵy azamattarǵa, birinshi ári ekinshi toptaǵy múgedekterge jáne azamattar men memlekettiń qaýipsizdigine asa qater tóndirmeıtin adamdarǵa qatysty qoldanylady», dedi Máýlen Áshimbaev.

Onyń aıtýynsha, qabyldanǵan zań neǵurlym qaýipti qylmysqa barǵan adamdarǵa raqymshylyq jasaýǵa tyıym salady.

«Aldaǵy ýaqytta bul qujat zań buzǵan adamdarǵa buryn jasaǵan qatelikterin qaıtalamaı, jańa ómir bastaýyna múmkindik beredi dep senemiz», dedi Senat tóraǵasy.

О́z kezeginde senator Sáýle Aıtpaeva zań raqymshylyq jasaýdy qoldanýdyń sharttary men tártibin, ony engizý kúninen bastap 6 aı ishinde ony oryndaý jónindegi merzimderdi kózdeıtinin, sondaı-aq Úkimet pen jergilikti atqarýshy organdardyń tıisti sharalardy iske asyrý, onyń ishinde bosatylatyn adamdardy ornalastyrý, jumysqa ornalastyrý, emdeý, olarǵa áleýmettik jáne ózge de kómek kórsetý jónindegi quzyretin bekitetinin aıtty.

«Qylmystyq kodekstiń 78-babynda raqymshylyq jasaý aktisin qabyldaýdyń jáne ony taratý sheńberiniń jalpy ólshemderi aıqyndalǵan. Zań jobasy Qylmystyq kodekstiń erejelerine tolyq sáıkes keledi. Ol raqymshylyq jasaý qoldanylmaıtyn adamdar tobyn aıqyndaıtyn tizbe belgilenedi», dedi Sáýle Aıtpaeva.

Zań jobasyn iske asyrýdan kútiletin nátıjeler:

  • Sottalǵan adamdardy jazadan bosatýǵa baılanysty túrmede otyrǵandardy azaıtý;
  • Probasııalyq baqylaýdaǵy sottalǵandar sanyn azaıtý;
  • Áleýmettik osal adamdar sanatyndaǵy jáne zalaldy ótegen sottalǵandarǵa jazanyń ótelmegen bóliginiń merzimderin qysqartý;
  • Qylmystyq isterdi toqtatý jáne qylmystyq teris qylyqtar jáne onsha aýyr emes qylmystar jasaǵan adamdardy, aýyrlyǵy ortasha qylmystar jasaǵan áleýmettik osal adamdardy qylmystyq jaýaptylyqtan jáne jazadan bosatý.
Sońǵy jańalyqtar

Petropavlda jas jigitti KamAZ qaǵyp ketti

Aımaqtar • 27 Mamyr, 2022

Uqsas jańalyqtar