Qarjy • 02 Jeltoqsan, 2021

Atyraý oblystyq bıýdjetiniń 1,2 mlrd teńgesi ıgerilmegen - Esep komıteti

131 ret kórsetildi

Respýblıkalyq  bıýdjettiń atqarylýyn baqylaý jónindegi Esep komıtetiniń otyrysynda Atyraý oblysyna bólingen bıýdjet qarajatyn paıdalaný tıimdiligine júrgizilgen aýdıt qorytyndylary jasaldy. Bul týraly Esep komıtetiniń baspasóz qyzmeti habarlady, dep jazady Egemen.kz.

Atyraý  oblysy – munaı-gaz sektory damyǵan, ónerkásiptik ónimniń 88% úlesi bar óndiristik óńir.  О́ńir elimizde munaı óndirý jáne eksporttaý boıynsha kósh bastap tur. Oblys aýmaǵynda elimizde munaı óńdeý salasynda birinshi zaýyt Atyraý munaı óńdeý zaýyty ornalasqan.

Aýdıtorlyq is-sharalardyń nátıjesinde jalpy somasy 10,9 mlrd teńgeni quraıdy, rásimdik sıpattaǵy 223 buzýshylyq, 5 júıeli kemshilik anyqtaldy, 22,7 mlrd teńgeni tıimsiz josparlaý, 7,8 mlrd teńgeni tıimsiz paıdalaný, 0,2 mlrd teńgege yqtımal shyǵyndar men jiberilgen paıda anyqtaldy.

Júrgizilgen aýdıt  oblys bıýdjetiniń  kiris bóligin 5,4 mlrd teńgege artyq oryndaýdy jáne 1,2 mlrd teńge somasyna qarajattyń ıgerilmeýin kórsetetin sapasyz boljaýdy anyqtady, bul 2019 jyldyń sońynda 6,7 mlrd teńge somasyna bos qaldyqtardyń paıda bolýyna ákep soqty.

2016-2020 jyldarǵa arnalǵan Atyraý  oblysynyń aýmaqtardy damytý baǵdarlamasynyń oryndalmaǵan nysanaly ındıkatorlarynyń úlesi jyl saıyn artýda (14,8%-den 28,3%-ge deıin), bul rette memlekettik baǵdarlamalar nysanaly ındıkatorlarynyń 58,4%-y osy Baǵdarlamada kórsetilmegen. Sondaı-aq oblystyń jergilikti atqarýshy organynyń memorandýmy túıindi nysanaly ındıkatorlarynyń oryndalmaýyna jol berilgen,  2018-2020 jyldarda orta eseppen 24%.

«Áleýmettik medısınalyq saqtandyrý qory» AQ «COVID-19»-ben kúres sheńberinde epıdemııaǵa qarsy jumyldyrylǵan jumyskerlerge jalpy somasy 105,9 mln teńgege negizsiz qosymsha aqy tólegen.

О́ńirde bıýdjettik ınvestısııalyq jobalardy iske asyrý balabaqshalardaǵy kezek, apatty jaǵdaıdaǵy jáne  úsh aýysymdy mektepter problemalaryn sheshýdi qamtamasyz etpegen. Osylaısha, balabaqshalardaǵy oryn sanyn arttyrý boıynsha qabyldanǵan sharalar 28,0 myń oryndyq tapshylyqty qamtı almady.

Jolaýshylar kóligi jáne avtomobıl joldary basqarmasynyń  oblystyq jáne aýdandyq mańyzy bar avtojoldardyń jalpy uzyndyǵy men sapasynyń jaı-kúıi týraly eseptik derekterdi anyq kórsetpeýi  2025 jylǵa qaraı jaqsy jáne qanaǵattanarlyq kúıdegi avtojoldardy 95% kórsetkishke jetkizý boıynsha Úkimet tapsyrmasynyń oryndalmaý qaýpin týdyrady. 

16,2 mlrd teńge somasyna 4 joba boıynsha áleýmettik jáne kommýnaldyq ınfraqurylym qurylys obektileriniń  ýaqtyly aıaqtalmaýy halyqtyń ómir sapasyna teris áser etedi.

Dossor kentindegi káriz jelilerin salý boıynsha jobany josparlaý jáne 95% naqty aıaqtalýy kezinde aǵyn sý baǵyty boıynsha sheshimder pysyqtalmaǵan. Sonymen birge josparlanyp otyrǵan Maqat aýyly baǵytyndaǵy uzyndyǵy 35 km kárizdik aǵyn sýlar baǵyty ekonomıkalyq negizdelmegen jáne 3,9 mlrd. teńge somasyna artyq bıýdjet shyǵyndaryna ákeledi.

Qalalyq qurylys bólimi az qamtylǵan kóp balaly otbasylarǵa arnalǵan jalpy quny 1,4 mlrd teńge bolatyn, aýdany 60 sh.m. kem 173 páter satyp aldy. Onyń quny 1,3 mlrd. teńge bolatyn 160 birlik páteri  jergilikti atqarýshy organ kezeginde turǵandar arasynda taratylmaǵan (21 aıdan artyq).

Aýdıt qorytyndysy boıynsha Esep komıteti Úkimetke zańnamany jetildirý jónidegi tıisti usynymdar berdi. Atyraý oblysynyń ákimine anyqtalǵan buzýshylyqtar men kemshilikterdi joıý boıynsha sharalar qabyldaýǵa jáne qoldanystaǵy zańnamany buzýǵa jol bergen laýazymdy tulǵalardyń jaýapkershiligin qaraýǵa tapsyrma berildi. 

Ákimshilik isterdi qaraýǵa ýákiletti organdarǵa 40 buzýshylyq faktileri boıynsha materıal jiberildi.

Sońǵy jańalyqtar

Tozaq qaqpasy

Rýhanııat • Keshe

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar