Aımaqtar • 02 Jeltoqsan, 2021

Shymkenttiń ınvestısııalyq múmkindikteri Lıtva konsýlyna tanystyryldy

25 ret kórsetildi

Shymkent qalasy ákiminiń orynbasary Maqsut Isahov Lıtvanyń Almatydaǵy Bas konsýly Kerýshaýskas Gvıdaspen kezdesti, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.

Taraptar eki el arasyndaǵy saýda-ekonomıkalyq baılanys pen ınvestısııalyq yntamaqtastyqty arttyrý máselesi men mádenı-gýmanıtarlyq baılanysty nyǵaıtý jaıyn talqylady.

Maqsut Pernebaıuly qalanyń damý qarqynyna toqtalyp, Shymkent Respýblıkanyń eń iri ónerkásiptik jáne saýda ortalyqtarynyń biri bolyp tabylatynyn atap ótti.

«Bizdiń basty maqsatymyz – qalany ómir súrýge qolaıly etip, kásip ashýǵa yńǵaıly jaǵdaı jasaý. Mundaı jetistikke jetý úshin biz ınvestısııalyq qoǵamdastyqtarmen birlese jumys isteýdi jalǵastyra bermekpiz. Ekijaqty birikken jumystardyń nátıjesinde Qazaqstan men Lıtva arasynda bıznes jobalar sátti iske asaryna senemin», dedi ákim orynbasary.

Kezdesý sońynda Maqsut Isahov lıtvalyq kompanııalardy týrızm, transport jáne logıstıka, aqparattyq tehnologııalar jáne mashına qurastyrý syndy salalarǵa ınvestısııa salýǵa shaqyrdy. Búginde Shymkent qalasynyń ınvestorlaryna uzaq jylǵa jalǵa alý úshin jer tegin beriledi. Sondaı-aq, daıyn ınfraqurylym men kommýnaldyq qyzmetter úshin eń tómengi tarıfter usynylǵan.

Pp

Jalpy, Lıtva Respýblıkasy Qazaqstannyń eń iri 10 saýda seriktesteriniń qataryna engen. Al, Qazaqstan Lıtvanyń eń iri 15 saýda seriktesteriniń tiziminde. Aıta keteıik, Qazaqstan men Lıtva arasyndaǵy dıplomatııalyq qarym-qatynas eń alǵash 1992 jyldyń 15 maýsymynda ornaǵan.

Sońǵy jańalyqtar

Tozaq qaqpasy

Rýhanııat • Keshe

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar