Bıznes • 02 Jeltoqsan, 2021

Memlekettik baǵdarlamalar kásipkerlerge qoldaý kórsetedi

53 ret kórsetildi

Sońǵy jyldary eldegi epıdahýalǵa baılanysty ekonomıkanyń sál báseńdep, otandyq kásiporyndar irkilip qalǵany belgili. Osyǵan baılanysty memleket tarapynan arnaıy baǵdarlamalar ázirlenip, kásipkerlerge birshama qoldaý kórsetilip jatyr.

«Qarapaıym zattar ekonomıkasy», «Bıznestiń jol kartasy-2020, 2025», «Nurly jer», BUUDB sııaqty kásipkerlerdi qoldaıtyn memlekettik baǵdarlamalarǵa qatysýshylardyń kóshbasshysy – «Sberbank» AQ EB.

Banktiń qarjylandyrý kómegin paıdalanǵan Shyǵys Qazaqstan oblysyndaǵy «Maı» aksıonerlik qoǵamy otandyq naryqtyń 35%-yn qamtyp otyr.

1922 jyly jeke-dara maı shaıqaý orny bolyp qurylǵan zaýyty búginde №1 maı zaýyty atanǵan. Júz jyldyq tarıhy bar kóne zaýyt jylyna 100 tonna maıly dánderdi óńdeıtin alpaýyt zaýytqa aınalǵan.

«Tek bizde ǵana 48 saǵat ishinde kúnbaǵys maıy tuqymynan daıyn ónim shyǵaratyn biregeı óndiris bar. Bul maıdyń qyshqyldanýyna jol bermeıdi. Sondyqtan ónimniń sapasy joǵary bolyp shyǵady», dep túsindirdi «Maı» AQ-nyń dırektory Tatıana Kostına.

El tutynýshylary «Maslozavod №1», «Zabota», «Maıskoe», «Kýdesnısa» dep atalatyn ónimderdi jaqsy biledi. Bul maılardy dál osy zaýyt usynady. Al shıkizat О́skemen mańyndaǵy aýdandardan úzdiksiz jetkizilip turady. Basshylyqtyń aıtýynsha, zaýyt táýligine 300 tonna kúnbaǵys dánin qabyldaıdy.

Qazaqstan boıynsha «Maı» AQ-nyń óz aldyna jekemenshik elevatory men qoımalaryn qosa alǵanda, óz qýatynyń tolyq spektrine ıe jalǵyz zaýyt bolyp tabylady. О́ndiris úderisi 48 saǵatqa sozylyp, maıdyń paıdaly qasıetteri saqtalady.

Aıta ketsek, zaýytta Qazaqstanda balamasy joq Shveısarııanyń «Buhler» kompanııasynan tuqymdy avtomatty túrde tazalaý jáne daıyndaý jelisi ornatylǵan, ol qaýyzdyń 90%-yn joıady.

«Sberbank óńdeý ónerkásibin damytýǵa aıryqsha mán beredi. Biz «Maı» AQ-men 2009 jyldan beri jumys istep kelemiz jáne osy jyldarda kásiporynǵa qazaqstandyq naryqta kóshbasshylyq pozısııany saqtap qalýǵa múmkindik beretin birneshe ınvestısııalyq jobalardy birlesip iske asyrdyq. Zaýyt bizdiń negizgi jáne senimdi seriktesterimizdiń biri», dedi «Sberbank» AQ EB О́skemen qalasyndaǵy fılıalynyń dırektory.

O.Fedorenkonyń aıtýynsha, bank tamaq ónerkásibi, mashına jasaý, metallýrgııa, týrızm, qyzmetter jáne saýda jobalaryna basa nazar aýdarady. Qazirgi ýaqytta aımaqtyq fılıalda 3000-nan astam zańdy jáne 80 000-nan astam jeke tulǵalarǵa qyzmet kórsetiledi.

Bıyl memlekettik baǵdarlamalar aıasynda fılıal 10 mlrd teńgeden astam somada túrli jobalardy qarjylandyrǵan.

Sońǵy jańalyqtar

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar