Qazaqstan • 03 Jeltoqsan, 2021

Otandy súıý – árbir azamattyń mindeti

50 ret kórsetildi

Týǵan jer – meniń álpeshtegen anam, aıalap ósirgen ákem, týǵan-týysym, aǵa-apalarym, meni bilim jolyna jetelegen ustazdarym, taı-qulyndaı tebisip ósken jora-joldastarym dúnıege kelgen jer. Týǵan jer, Otan, Qazaqstan – netken keremet, shýaqty uǵym! Elimniń ár tasy, ár gúli, ózen-kóli, taýy men úshin asa qymbat.

Qazaq eli qashanda óziniń ulan-baıtaq jerimen, halqymen, yntymaǵymen búkil álemdi tań­ǵaldyryp keledi. Elimizdiń sulý tabıǵaty boıǵa qýat, kóńilge shabyt beretindeı qandaı tamasha.

Qazaq halqy – álemdegi uly halyqtardyń biri. Qazaqtyń ulylyǵy – baýyrmaldyǵynda, sabyrlyǵynda jáne danaly­ǵynda. Qazaq – sózge toqtaǵan halyq, úlkenge qurmet, kishige izet kórsetken, el bastaǵan kó­semderi men sheshenderi aqyl aıtsa, aqylyna uıyǵan halyq. Mine, osyndaı danagóı, asyl qasıetke baı elde dúnıege kel­genime jáne táýelsiz eldiń qur­dasy bolǵanyma maqtanamyn. Elimizdiń mártebeli el bolýy, 30 jylda álemge tanylýy, árıne, Elbasymyz Nursultan Nazarbaevtyń ólsheýsiz eńbeginiń arqa­synda dep bilemin, erekshe iltıpatpen qaraımyn. Búginde Qazaq eliniń demokratııalyq damý jolyndaǵy jetistikterin dúnıe júzi qaýymdastyǵy moıyndap, ıgi isterine qoldaý kórsetýde.

Otanymyz bizdi, jastardy ósirip jetkizdi jáne aldymyzǵa taýdaı talaptar qoıdy. Biz Otanymyz úshin qandaı jaqsylyq jasaımyz? Halqymyzdyń seni­min qalaı aqtaımyz? Bul suraqqa jastardyń kóbi jaýap izderi anyq dep oılaımyn. Meniń oıymsha, Otandy súıý – ony qorǵaı bilý. Bul – árbir azamattyń mindeti. «Otanǵa opasyzdyq etkeniń – óz túbińe jetkeniń» dep halyq beker aıtpaǵan. Jańa ǵasyrda óz elin, tilin, Otanyn súıetin, onyń bolashaǵyna júregi syzdap aýyratyn jastardyń sany kóbeıedi dep úmittenemin. О́zim de Qazaqstannyń órkendeýine úlesimdi qosamyn. Osy tusta batyr Baýyrjan Momyshuly ata­myzdyń ulaǵatty sózi eske túsip otyr: «Anamyzdyń aq sútimen boıymyzǵa daryǵan tilimizdi umytý – búkil ata-babalarymyzdy, bar tarıhymyzdy umytý».

Meniń maqsatym – alǵan bilimim arqyly joǵary deńgeı­li maman bolyp, elimizdiń ór­ken­deýine úles qosý. Adam týǵan je­­rin qas­terlep, qadirine jete bilýge tıis. «Týǵan eliniń qa­di­rine jet­pe­gen óz qadirine jetpeıdi» degen halyq naqyly da ras. En­deshe, týǵan jeri men elin qur­met­teý, onyń dańqyn asy­rý árbir aza­mat­tyń mindeti dep sa­naımyn. Biz qashanda beı­bit eldiń urpaǵy bol­ǵanǵa qýanyp, qaı­da júrsek te týǵan jeri­miz ór­kendeı bersin de­gen tilek­tiń ús­tinde júrýimiz kerek. Otany­myz gúldenip, jerimiz kór­keıe bersin.

 

Aınagúl ÁMIRǴALI,

Nur-Sultan qalasy boıynsha Qazynashylyq departamenti

Túsimder basqarmasy Memlekettik mekemelerdiń shottary jáne basqa shottar boıynsha bóliminiń bas mamany-bas qazynashysy

Sońǵy jańalyqtar

Ýtıl alymy ýaqytsha toqtatyldy

Ekonomıka • Búgin, 12:51

Elordada avtokólik aýdarylyp qaldy

Elorda • Búgin, 12:18

Dennı Dıgnam Jánibekpen jekpe-jekke daıyn

Kásipqoı boks • Búgin, 11:43

Dollar baǵasy arzandady

Ekonomıka • Búgin, 11:32

Uqsas jańalyqtar