Sport • 03 Jeltoqsan, 2021

«Finland Open»: Anel Bahyt halyqaralyq synnyń shırek fınalyna jetti

200 ret
kórsetildi
1 mın
oqý úshin

Ústel tennısinen Lohıa qalasynda «Finland Open» halyqaralyq týrnıri jalǵasýda. 21 jasqa deıingi sportshylar arasynda Qazaqstan sapynan eń joǵary nátıje Anel Bahyt kórsetti, dep jazady Egemen.kz UOK-ke silteme jasap.

«Finland Open»: Anel Bahyt halyqaralyq synnyń shırek fınalyna jetti

Qazaqstandyq tennısshi aldymen óz otandasy Vıktorııa Mochalkınany utty. Keıin danııalyq Jozefına Haagensenndi 3:2 esebimen jeńgen. 

Alaıda, osy jas sanatynda reıtıngte birinshi orynda turǵan lıtvalyq Kornellı Rılıskıtege Aneldiń kúshi jetpeı, jarysty aıaqtady. Osylaısha, Anel Bahyt shırek fınalda súrindi. 

Alan Qurmanǵalıev anglııalyq qarsylasyn jeńip, 1/8 aınalym joldamasy úshin ótken matchta chehııalyq Iаn Valentke jol berdi. Vıktorııa Mochalkına shvesarııalyq qarsylasyn utyp, keıin Anel Bahyttan jeńildi.

Al Temirlan Kım, Sarvınoz Mırkadırova, Aleksandra Smırnova, Janerke Kóshkimbaeva, Albına Jaqsylyqova men Angelına Romanovskaıalar birinshi aınalymnan óte alǵan joq.