Durys tańdalǵan jol adastyrmaıdy

Memleket basshysynyń bıylǵy «Qazaqstan joly-2050: bir maqsat, bir múdde, bir bolashaq» atty Qazaqstan halqyna Joldaýy Elbasynyń sońǵy jyldarda kótergen jáne usynǵan ómirsheń ıdeıalarynyń jıyntyǵy dep aıtýymyzǵa bolady. Bul joly Prezıdentimiz elimizdi álemde eń damyǵan 30 eldiń qataryna qosylý mindetin qoıdy. Onyń joldaryn jeti besjyldyqqa bólip, sol kezeńderde erekshe mańyz beriletin basym baǵyttardy aıqyndap berdi. Elimizdiń aldyna qoıylǵan strategııalyq mindetter men tapsyrmalar asa aýqymdy. О́ıtkeni, Joldaýda atalǵan ınnovasııalyq ındýstrııalandyrýdy damytý, dástúrli óndirýshi sektorlardyń tıimdiligin arttyrý, óndiristi ǵylymı negizde uıymdastyrý arqyly qazaqstandyq ǵylymnyń áleýetin keńeıtýge qol jetkizý, shaǵyn jáne orta bıznesti damytý, basqa da keshendi máselelerdi oıdaǵydaı sheshý elimizdiń jan-jaqty órkendegen otyz eldiń ortasynan oryn alýǵa múmkindik beredi. Sapaly taýarlar óndirip, olardyń básekelestik qabilettiligin arttyrady. Joldaýda bilim berý salasyn jaqsartyp, ony álemdik deńgeıge jetkizýge erekshe mańyz berilip otyr. Osyǵan baılanys­ty Prezıdent: «Barlyq damyǵan elderdiń sapaly biregeı bilim berý júıesi bar. Ulttyq bilim berýdiń barlyq býynynyń sapasyn jaqsartýda bizdi aýqymdy jumys kútip tur», – dep atap kórsetti. Sebebi, bilim men ǵylymdy damytý – el bolashaǵynyń kepili. Al elimizdiń shańyraǵyn bıiktetip, táýelsizdikti máńgilik baıandy etý bilimmen jan-jaqty qarýlanǵan urpaqqa tikeleı baılanysty. Memleket basshysy osy máselelerdi óziniń jyl saıynǵy Joldaýynda únemi aıtyp keledi. Elbasynyń bilim men ǵylymǵa erekshe kóńil bólýi el bolashaǵy – jastarǵa degen qamqorlyǵynyń aıqyn kórinisi bolyp tabylady. Sonyń nátıjesinde jylma-jyl elimizdiń aýmaqtarynda, eldi mekenderde jańa úlgidegi mektepter, balabaqshalar paı­dalanýǵa berilýde. Olar qa­jetti quraldarmen, jıhaz jabdyqtarmen, son­daı-aq, kom­pıýterlermen jaraq­tan­dyrylǵan. Prezıdentimizdiń: «Orta bilim júıesinde jalpy bilim beretin mektepterdi Nazarbaev zııatkerlik mektepterindegi oqytý deńgeıine jetkizý kerek», – dep atap ótýi ul-qyz ósirip otyrǵan barlyq ata-analardy, muǵalimderdi qanattandyrǵanyna senimdimiz. Memleket basshysynyń bastamasymen qabyldanǵan «Bolashaq» memlekettik baǵdarlamasynyń orny erekshe bolǵanyn atap ótken jón. «Bolashaq» stıpendııa­sy boıynsha elimizdiń kóptegen jastary álemniń irgeli joǵary oqý oryndarynda bilim aldy, tájirıbelerin tolyqtyrdy, taǵylymdamalardan ótti. Búginde olar elimizdiń ártúrli salalarynda jumys istep, el ekonomıkasynyń, ǵylymynyń, mádenıetiniń damýyna úlesterin qosyp júr. Qazirgi kezde shetelderde oqyp júrgen jastarymyz da az emes. Keńes Odaǵynyń kezinde shet memlekette bilim almaq turmaq, shetelge barýdyń ózi óte qıyn bolatyn. Búgingi jastar baqytty. Olardyń bilim alýyna, jumys isteýine barlyq múmkindikter bar. Bul, birinshiden, táýelsizdiktiń, ekinshi jaǵynan, Elbasymyzdyń áýel bastan ustanǵan salıqaly saıasatynyń nátıjesi. Bizdiń jas­tarymyz osy jaǵyn esterinen shyǵarmasa, olar Qazaq eliniń álemdegi eń damyǵan otyz eliniń qatarynan oryn alýyna óz úlesterin qossa degen tilek aıtamyz. Prezıdenttiń Joldaýyn L.N.Gýmılev atyndaǵy Eýrazııa ult­tyq ýnıversıtetiniń basshy­ly­ǵy, oqytýshylary, stýdentteri, sondaı-aq, ýnıversıtet ǵylymı kitaphanasynyń ujymy da erekshe rızashylyqpen qabyldady. Jol­daýdy túsindirýge, nasıhattaýǵa arnalǵan jıyndar ótkizildi. Osyndaı jıyndar men kezdesýler qazirgi kezde de ótkizilýde. Mundaı is-sharalar aldaǵy ýaqytta da jalǵasyn taba bermek. Búginde stýdent jastardyń oıdaǵydaı bilim alýyna qa­jetti jaǵdaılar jasalyp jatyr. Mysaly, ózimiz jumys isteıtin ǵylymı kitaphanany alaıyq. Ýnıversıtettegi oqý korpýstarynyń barlyǵynda derlik kitaphananyń oqý zaldary bar. Olarda qazaq, orys, aǵylshyn jáne basqa tilderdegi kitap qorlary, merzimdi basylymdar túrleri, kórneki quraldar jetkilikti. Kompıýterlermen tolyq qamtamasyz etilgen. Oqytýshylar men stýdentter ınternetti de paıdalanady. Oqý zaldary keń de jaryq ári jyly. Kelýshilerdiń izdenýine, daıyndalýyna barlyq jaǵdaı jasalǵan. Maqtanǵanymyz emes, kitaphana qyzmetkerleriniń oqyrmandarǵa qyzmet kórsetýinde min joq. Tańerteńnen keshke deıin zyr júgirip júredi. О́ıtkeni, oqyrmandarǵa talap deńgeıinde qyzmet kórsetý – kitaphanashylardyń mindeti. Kerimjan ILIPBAEVA, L.N.Gýmılev atyndaǵy EUÝ ǵylymı kitaphanasynyń bas mamany.