Prezıdent • 03 Jeltoqsan, 2021

Prezıdent Sybaılas jemqorlyqqa qarsy is-qımyl agenttiginiń jumysyn oń baǵalady

65 ret kórsetildi

Qasym-Jomart Toqaev Sybaılas jemqorlyqqa qarsy is-qımyl agenttiginiń tóraǵasy Marat Ahmetjanovty qabyldady, dep habarlaıdy Egemen.kz.

Sybaılas jemqorlyqqa qarsy vedomstvonyń basshysy Prezıdentke agenttiktiń bıylǵy 11 aıdaǵy jumysynyń nátıjeleri týraly baıandady. Marat Ahmetjanovtyń aıtýynsha, bıylǵy 11 aıdyń ishinde 1576 sybaılas jemqorlyq qylmys tirkelgen.

1280 azamat, onyń ishinde respýblıkalyq jáne oblystyq deńgeıdegi 159 basshy jemqorlyq qylmys boıynsha jaýapqa tartylǵan. Talan-tarajǵa túsken 20 mıllıard teńgeden astam qarjy bıýdjetke qaıtaryldy. Marat Ahmetjanov Memleket basshysyna aýyl sharýashylyǵyn sýbsıdııalaýǵa jasalǵan keshendi saraptamalardyń, kólik salasyndaǵy jaǵdaılardyń jáne qylmystyq ister boıynsha sotqa deıingi tergep-tekserýdiń qorytyndylary týraly málimet berdi.

Sondaı-aq Prezıdentke 2022-2026 jyldarǵa arnalǵan Sybaılas jemqorlyqqa qarsy saıasat tujyrymdamasyn ázirleý týraly tapsyrmasynyń oryndalý barysy jóninde esep berildi. Memleket basshysy sybaılas jemqorlyqqa qarsy kúrestiń jańa tásilderin qoldady jáne Agenttiktiń jumysyna oń baǵa berdi.

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar