Prezıdent • 03 Jeltoqsan, 2021

Memleket basshysy Bas prokýror Ǵızat Nurdáýletovti qabyldady

30 ret kórsetildi

Prezıdentke elimizdegi zańdylyqtardyń saqtalýy, quqyqtyq tártiptiń jaǵdaıy jáne osy kezeńdegi prokýratýra organdary jumysynyń qorytyndylary týraly málimet berildi, dep habarlaıdy Egemen.kz Aqordaǵa silteme jasap.

Qasym-Jomart Toqaevqa qylmysqa qarsy kúres sharalary men qylmystyq úderistiń úsh býyndy modeline kóshý jóninde berilgen tapsyrmalardyń oryndalýy týraly baıandaldy.

Prokýrorlar 360 myńnan astam qaýly men tergeý organdarynyń hattamalaryn teksergen. Nátıjesinde 3 myńnan astam azamat negizsiz qylmystyq aıyptyń quryǵynan qutqarylǵan. Sonymen qatar Memleket basshysyna qoǵamnyń, azamattardyń jáne bıznestiń múddelerin qorǵaý jumystary jaıynda aıtyldy.

Bas prokýrordyń aıtýynsha, jyl basynan beri qadaǵalaý-baqylaý organdary 100 myńnan astam kásipkerdiń quqyǵyn qorǵap, myńnan astam negizsiz tekserýlerdiń jolyn kesken.

Budan bólek daǵdarysqa qarsy sharalardy júzege asyrý, azamattardyń eńbek quqyǵy, aýyl sharýashylyǵy jerlerin paıdalaný, ekologııa, halyqty medısınalyq kómekpen jáne dári-dármekpen qamtamasyz etý máseleleri únemi prokýratýranyń nazarynda bolady.

Prezıdentke halyqaralyq yntymaqtastyqty damytýdyń perspektıvalary, onyń ishinde sheteldik áriptestermen birlesip jumys isteýge baılanysty qol jetkizilgen kelisimder týraly arnaıy baıandaldy.

Qasym-Jomart Toqaev prokýratýra organdarynyń tapsyrmalardy oryndaý barysyndaǵy jumystaryna oń baǵa berip, qoǵam ómiriniń barlyq salasynda zańdylyqty odan ary qamtamasyz etý qajet ekenine basa mán berdi.

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar