Búgin Iraktyń ushaǵy Mınsk áýejaıynan Erbılge ushyp ketti.
«Búgin Iraqi Airways áýeakompanııasynyń Mınsk-Erbıl baǵytyndaǵy reısi 419 jolaýshyny tirkedi. Olardyń qatarynda 415 eresek adam jáne 2 jasqa deıingi 4 bala bar», dep habarlady Mınskidegi áýejaıdyń baspasóz qyzmeti.
Qarasha aıynda Belarýssııa men Polsha shekarasynda mıgranttar toby jınaldy. Olardyń deni negizinen kúrdter boldy. Bosqyndardyń sany shamamen 2 myńnan asqan.
Bosqyndar Polshamen shekaradaǵy «Brýzgı» ótkizý pýnktinen Polshaǵa ótýge tyrysty, biraq polıak qaýipsizdik kúshteri bul áreketti arnaıy quraldardyń kómegimen toqtatty. Belarýssııa bıligi mıgranttardy osynda qaldyrý úshin shekara mańyndaǵy ótkizý pýnktine jaqyn jerde ornalasqan kólik-logıstıkalyq ortalyqty daıyndady.
