Elbasy • 05 Jeltoqsan, 2021

Nursultan Nazarbaev Qyrymdy nege Reseıdiń jeri dep tanymaǵany týraly aıtty

277 ret kórsetildi

Qazaqstannyń Tuńǵysh Prezıdenti, Elbasy Nursultan Nazarbaev ýaqytynda Qyrymdy nege Reseıdiń bir bólshegi retinde moıyndamaǵany týraly oıymen bólisti, dep habarlaıdy Egemen.kz.

 

Bul týraly Elbasy amerıkalyq kınorejısser Olıver Stoýnǵa bergen suhbatynda oı órbitti.

«Ol kezde tıisti referendým boldy. Biz Qyrymdy Reseıdiń jeri dep tanyǵan joqpyz. Ondaı jaǵdaıda Osetııany, Abhazııany, Kosovony da moıyndaýym kerek edi», dedi Nursultan Nazarbaev.

Sol kezdegi Ýkraına Prezıdenti Petr Poroshenkonyń ún qatýyna qaramastan, Elbasy Kıevtegi memlekettik tóńkeristi de qoldamaǵanyn tiline tıek etti.

«Ýkraınada bári tynysh bolǵan kezde Reseımen qarym-qatynas durys boldy. Qyrymda turatyndardyń bári týystaryna, dostaryna baryp, sóılese aldy. Al ýkraın ultshyldary kelip, bári ýkraındar úshin ekenin aıtqan kezde, olar árıne alańdap, Reseıden qaıta qabyldaýdy ótindi, referendým boldy. Bunyń bári jaqsy emes. Munyń bári Kıevte bolǵan tóńkeristen týyndady», dedi Nursultan Nazarbaev.

Esterińizge sala keteıik, Qyrym 2014 jylǵy referendýmnan keıin qaıtadan Reseıdiń qataryna qosylǵan bolatyn.

Sońǵy jańalyqtar

Tozaq qaqpasy

Rýhanııat • Keshe

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar