Usynystar talqylandy

Senbi kúni Premer-Mınıstr Serik Ahmetov Memleket basshysynyń «Kásipkerlik qyzmet úshin jaǵdaıdy jaqsartý jónindegi túbegeıli sharalar týraly» Jarlyǵyn júzege asyrý boıynsha keńes ótkizdi, dep habarlady Premer-Mınıstrdiń baspasóz qyzmeti. Keńeske ortalyq atqarýshy or­gan­dardyń, Ulttyq kásip­ker­ler palatasynyń, ulttyq kom­panııalardyń basshylary qa­tysty. Bul másele boıynsha Premer-Mı­nıstrdiń birinshi orynbasary B.Saǵyntaev, О́ńirlik damý mı­nıstri B.Jámishev, Ulttyq kásipkerler palatasynyń bas­qar­­ma tóraǵasy A.Myrzahmetov sóıledi. Keńes barysynda kásipkerlik úshin jaǵdaıdy odan ári jaqsartý boıynsha sharalar men usynystar talqylandy. Keńesti qorytyndylaı kele, Premer-Mınıstr: «Memleket basshysynyń Jar­lyǵyn oryndaý bıznesti damytý úshin qýatty qozǵaý bolady», dep atap ótti. «Prezıdent Jarlyǵyna sáı­kes tekserý júrgizýdiń barlyq reg­la­­mentterin jedel túrde qaıta qa­­raý, barlyq resimderdi zańmen bekitý máselelerin py­syq­taý qajet», dedi Premer-Mınıstr. «Sondaı-aq 2014 jyldyń 1 maý­symyna deıin tıisti zańna­malarǵa tolyq revızııa júrgizý kerek, 1 sáýirge deıin Parlamentke ruqsat berý men habarlaý máse­leleri boıynsha zań jobasyn, 1 qyrkúıekke deıin jaǵdaıdy túbe­geıli jaqsartý boıynsha zań jobasyn engizý qajet», dedi S.Ahmetov. Munymen qatar, Premer-Mınıstr Memleket basshysy Jarlyǵyn júzege asyrý boıyn­sha kásipkerler arasynda túsi­nik jumystaryn júrgizýdiń mańyzdylyǵyn atap ótti. «Atalǵan qujattyń mazmuny árbir kásipkerge túsinikti jetkizilýi kerek. Biz aýdandyq deńgeıge deıin úlken túsinik jumystaryn júrgizýimiz qajet. Ortalyq jáne jergilikti atqarýshy organdar bul Jarlyqty júzege asyrý boıynsha túsinik jumystaryn jan-jaqty qamtamasyz etýi tıis», dep túıindedi sózin S.Ahmetov.