Otyz jyl ishinde Qazaqstan etek-jeńin jıyp, shekarasyn bekitip, búginde derbes memleketke aınaldy. Bul atadan kele jatqan uly jeńistiń jemisi. Al táýelsiz Qazaqstannyń eń basty qundylyǵy – siz ben biz.
«Memleketimizdiń tiregi de, altyn dińgegi de – Qazaqstan halqy. Men boıymdaǵy qýat, qyzmetimdegi tájirıbe, oıymdaǵy nár – bári-bárin halqyma qyzmet etýge jumsap kelemin», dep jazady Elbasy óziniń maqalasynda.
Ol, sondaı-aq, uzaq jyldar boıy atajurtyn ańsap kelgen qandastarymyzdyń Qazaqstanǵa oralý mańyzdylyǵyna toqtala ketti.
«Sol úshin táýelsizdiktiń alǵashqy jyldarynan beri taǵdyr talaıymen dúnıeniń tórt buryshyna tarydaı shashylǵan mıllıonnan astam qandasymyzdy atamekenge aldyrdym. Bul aıtar aýyzǵa ǵana ońaı. Jer betinde halqynyń sany mıllıonǵa jetpeıtin qanshama memleket bar. Biz osynshama qandasymyzdy shetelderden aldyryp qana qoımaı, basyna – baspana, ózine – jumys, urpaǵyna bilim berdik. Bul is áli de jalǵasyn taba beredi. Osynyń bári táýelsizdiktiń arqasynda ǵana múmkin bolǵanyn umytpaýymyz kerek», deıdi Nursultan Nazarbaev.
