Elorda • 06 Jeltoqsan, 2021

Elordadaǵy orys drama teatryn jóndeý jumystary qashan aıaqtalady?

52 ret kórsetildi

M. Gorkıı atyndaǵy memlekettik akademııalyq orys drama teatryn jóndeý jumystary 2018 jyly bastalǵanymen áli kúnge deıin aıaqtalǵan joq, dep habarlaıdy Egemen.kz.

Úsh jyl buryn bastalǵan jóndeý jumystary kezinde sybaılas jemqorlyqqa jol berildi, onyń ishinde merdiger tarapynan zańbuzýshylyqtar anyqtalǵan edi. Olardyń salǵyrttyǵynan teatr qyzmetkerleri men kórermender zardap shekti. Qazirgi ýaqytta sot rásimderi tolyǵymen aıaqtaldy. Bul jaıynda elorda ákimi Altaı Kólginov áleýmettik jeli arqyly habarlady.

«Jańa merdiger anyqtaldy, oǵan ózgelerdiń qateligin qaıtalamaý tapsyryldy.

Osylaısha, tarıhı ǵımaratty kúrdeli jóndeý kelesi jyldyń sońyna qaraı aıaqtalady dep josparlanyp otyr. Zaldardy jańartýdan, ǵımaratty jóndeýden basqa ınjenerlik jeliler jańartylyp, retke keltiriledi: sý qubyry, káriz, sondaı-aq jeldetý júıesi, jylytý jáne t.b.

Qazirgi ýaqytta teatr ujymy ózge teatrlardyń alańdarynda jáne drama teatrdyń kishi zalynda óner kórsetedi. Bul, árıne, teatr ujymyna belgili bir qolaısyzdyqtar ákeledi. Kúrdeli jóndeý aıaqtalǵannan keıin tarıhı ǵımarat jańaryp, al kórermender - qoıylymdardan umytylmas áser alady!», dep sendirdi Nur-Sultan qalasynyń ákimi.

 

Sońǵy jańalyqtar

Uqsas jańalyqtar