Atalǵan ózgertýlerge sáıkes, «Komırnatı» (Pfizer, AQSh) vaksınasymen ekpe júrgizýge qatysty ádistemelik usynymdar daıyndaldy.
Atap aıtqanda, bul vaksınamen KVI-ge qarsy vaksınasııalaýǵa 12 jastan 18 jasqa deıingi jasóspirimder; júkti áıelder (júktiliktiń 16 aptasynan bastap 37 aptasyna deıin); laktasııa kezeńindegi áıelder (bosanǵannan keıingi kezeń aıaqtalǵannan keıin (42 kúnnen keıin) bala 2 jasqa tolǵanǵa deıin) jatady.
Sonymen qatar 12-den 18 jasqa deıingi sheteldik jasóspirimder, onyń ishinde QR aýmaǵynda úzdiksiz 3 jáne odan da kóp aı oqıtyn jáne turatyn stýdentter de KVI-ge qarsy vaksınasııalanady. Egý pýnkti jasóspirimderdiń shoǵyrlanýyn boldyrmaıtyn egiletin adamdardyń turaqty bir jaqty aǵymyn qamtamasyz ete otyryp uıymdastyrylady. Egý kabınetinde egiletin adamdardyń jáne medısınalyq baqylaýdaǵy adamdardyń jınalýyna jol berilmeıdi. Bir mezgilde vaksınasııalaýǵa 3 adamnan asyrmaı shaqyra otyryp, egý kabınetiniń aldynda halyqtyń kóp jınalýyn boldyrmaı jeke vaksınasııa júrgizý uıymdastyrylady.
Jalpy qarsy kórsetilimderden basqa, júkti áıelderge allergııalyq reaksııalar, jedel qyzba jaǵdaılary kezinde, sondaı-aq júktiliktiń aýyr asqynýlary – eklampsııa, qan ketý jáne basqa da jaǵdaılar kezinde vaksınasııa júrgizilmeıdi. Eger júkti áıel júktiliktiń 35-37 aptasynda KVI-ge qarsy vaksınasııanyń birinshi dozasyn alsa, onda vaksınanyń ekinshi dozasy bosanǵannan keıin 42 kúnnen keıin engiziledi.
Eki egýdiń arasyndaǵy usynylatyn aralyq 12 aptadan aspaıdy. Eger eki dozada abaısyzda KVI-ge qarsy vaksınalardyń ártúrli tıpteri engizilse, onda paıdalanylǵan vaksınalardyń kez kelgenine qosymsha dozalardy engizý usynylmaıdy.
«Komırnatı» vaksınasyn (Pfizer, AQSh) qoldana otyryp, KVI-ge qarsy vaksınasııany jáne revaksınasııany alý týraly derekter KVI-ge qarsy vaksınanyń barlyq alynǵan dozalaryn ret-retimen (egý júrgizilgen kún, vaksınanyń ataýy, serııasy, óndirýshi el, doza) kórsete otyryp, «Vaksınasııa» Modýliniń aqparattyq júıesinde kórsetiledi.
