Prezıdent • 08 Jeltoqsan, 2021

QR Prezıdenti Germanııanyń Kanslerin quttyqtady

75 ret kórsetildi

Prezıdent Qasym-Jomart Toqaev Germanııanyń jańadan saılanǵan Federaldyq Kansleri Olaf Sholske jedelhat joldady, dep habarlaıdy Egemen.kz.

Qazaqstan Prezıdenti Qasym-Jomart Toqaev barsha qazaqstandyqtyń jáne jeke óziniń atynan Olaf Sholsti Germanııa Federatıvtik Respýblıkasynyń Federaldyq Kansleri qyzmetine kirisýmen shyn júrekten quttyqtady.

«Bul tarıhı oqıǵa – halqyńyzdyń Sizge jáne О́zińiz basqaryp otyrǵan koalısııaǵa elińizdiń saıası-ekonomıkalyq órkendeýin jalǵastyrýǵa, sondaı-aq onyń halyqaralyq deńgeıdegi ulttyq múddelerin ilgeriletýge baǵyttalǵan mańyzdy josparlaryńyzǵa artqan seniminiń aıqyn dáleli. Osy tusta Sizdiń qajyrly eńbegińiz Otanyńyzdy búgingiden de bıik belester men jańa tabystarǵa jeteleı berýine tilektestigimdi bildiremin», delingen quttyqtaý hatta.

Memleket basshysy Germanııany Qazaqstannyń Eýropalyq Odaqtaǵy basty seriktesi dep sanaıtynyn jáne eki el arasyndaǵy qarqyndy damyp kele jatqan strategııalyq yntymaqtastyqty nyǵaıtýǵa erekshe mán beretinin atap ótken.

«Qazaq-german jáne Ortalyq Azııa – Eýropalyq Odaq formattaryndaǵy san qyrly yqpaldastyǵymyzdyń mazmunyn odan ári baıytý maqsatynda, Sizben qoıan-qoltyq jumys isteýge daıyn ekenimdi rastaımyn. Oraıly múmkindikti paıdalanyp, ózara yńǵaıly ýaqytta Sizdi Qazaqstanǵa resmı saparmen kelýge shaqyramyn», dep jazylǵan Prezıdenttiń jedelhatynda.

Qasym-Jomart Toqaev Olaf Sholstiń ıgi bastamalaryna sáttilik, otbasyna baıandy baqyt, al dostas german halqyna mol yrys pen qut-bereke tilegen.

Sońǵy jańalyqtar

Uqsas jańalyqtar