Keshe Ortalyq kommýnıkasııalar qyzmetinde «QazMunaıGaz» UK» AQ basqarma tóraǵasy Saýat Myńbaev baspasóz máslıhatyn ótkizip, jýrnalısterdi tolǵandyryp júrgen birqatar suraqtarǵa jaýap berdi.
Bul jolǵy brıfıngtiń buǵan deıingilerden ózgesheligi, munaı-gaz kompanııasynyń basshysy saladaǵy ahýal týraly taıaýda bolǵan alqa májilisinde tolyq baıandalǵanyn aıtyp, birden sharanyń suraq-jaýap bólimine kóshkendi jón sanady. Sóıtip, tilshilerdiń qoıar suraqtaryna jaýap berýge daıyn ekenin bildirdi. Alǵashqy suraq jurttyń kóńiline alań salyp júrgen janar-jaǵarmaı men taıap qalǵan egis naýqanyna qajetti dızel otynynyń baǵasy týraly boldy. «Dál osy kúni qorda mamyr aıyna deıin jetetin dızel otyny men sáýirge deıin erkin jetetin janar-jaǵarmaı bar», dep jaýap berdi S.Myńbaev. Oǵan qosa, «QazMunaıGaz» janar-jaǵarmaı stansalarynda baǵa saıasaty qandaı bolatynyn taratyp aıtty. «Baǵanyń deńgeıi Tabıǵı monopolııalardy retteý agenttigi bekitken shekten aspaıdy. Ulttyq kompanııadaǵy bólshek saýdada baǵa saıasatyna qatysty ózgeshelik joq. Biz TMRA bekitken baǵanyń aıasynda jumys isteımiz. Aldaǵy ýaqytta baǵanyń ósirilýi josparlanbaǵan», dep qosty ol.
Kelesi suraq búginde áńgimesi kóbeıgen áıgili Qashaǵan ken ornyna qatysty qoıyldy. Ken ornyndaǵy jumystar men oryn alǵan keleńsizdikter jóninde áńgimelegen tóraǵa, endigi ónim alý qashan bastalatynyna nazar aýdardy. «Jyldyń ekinshi jartysynda munaı óndirý jandanýy múmkin. Degenmen, biz ony áli de bolsa naqty aıta almaımyz. Al munaıdyń qandaı kólemde óndiriletindigi týraly aıtý tipten erte. Naýryzda kelisimshartqa qol qoıylǵan soń jáne gaz qubyryn aýystyrý boıynsha ınvestısııalyq sheshim qabyldaǵannan keıin ǵana óndirý kólemi men shyǵyndar anyq kórinetin bolady», dep taratty sala basshysy.
Elbasy bıylǵy Joldaýynda tórtinshi munaı óńdeý zaýytyn salý týraly tapsyrma bergeni málim. Tilshilerdi mazalaǵan suraq – ol zaýytta óńdeletin janar-jaǵarmaı qandaı elderge eksporttalmaq? Eýropanyń talǵamy men Reseıdegi jaǵdaı belgili, al Qytaıdaǵy munaı zaýyttarymen básekelesý ońaı emes ekeni aıan. «Tórtinshi munaı óńdeý zaýyty keminde tórt-bes jyl salynady. Degenmen, ol zaýyttyń ónimderiniń basym bóligin eksportqa shyǵarý kerek bolady. Onyń bolashaq naryǵy qaı memleketterge taralýy yqtımal? Soltústigimizde Reseı naryǵy munaı ónimderinen tarshylyq kórmeıdi. Sondyqtan onda tasymaldaýdyń máni joq. Qytaıda tehnologııasy men jumys kúshi arzan bolǵandyqtan, básekege qabiletti zaýyttar kóp. Batysqa ınfraqurylym tartý isi óte kúrdeli. Arada Kaspıı teńizi jatyr. Úlken qýaty bar Ázerbaıjan eliniń zaýyttary da jeterlik. Sondyqtan bizdiń negizgi eksporttyq áleýeti bar naryǵymyz ol – ońtústik. Olar – Qyrǵyzstan, О́zbekstan, Tájikstan, Aýǵanstan. Ol naryqta Reseı bar. Demek, Reseımen básekelesý kerek bolady. Osy máseleler qazir Úkimette talqylanyp jatyr», dedi S.Myńbaev.
Teńge baǵamynyń ózgerýi «QazMunaıGazdyń» bekitilgen bıýdjetine jáne damý josparyna ózgeris ákele me? О́zgeris ákeledi eken. Áıtkenmen, geologııalyq barlaý kólemin tómendetýdiń, sonyń ishinde ınfraqurylymdyq nysandardyń qurylysyn kemitýdiń qajettiligi joq kórinedi. Degenmen, QMG teńge baǵamynyń ózgerýinen munaı eksportynda utatyn da sııaqty. «Kompanııanyń ereksheligi nede – biz ónimdi teńgemen óndirip, dollarmen satamyz. Desem de, bizdiń utylatyn tustar da bar. Bul ishki satylymdarda, sebebi ishki naryqta gaz ben munaı ónimderiniń baǵasy ósken joq», dep sózin aıaqtady S.Myńbaev.
Nurbaı ELMURATOV,
«Egemen Qazaqstan».
Bul jolǵy brıfıngtiń buǵan deıingilerden ózgesheligi, munaı-gaz kompanııasynyń basshysy saladaǵy ahýal týraly taıaýda bolǵan alqa májilisinde tolyq baıandalǵanyn aıtyp, birden sharanyń suraq-jaýap bólimine kóshkendi jón sanady. Sóıtip, tilshilerdiń qoıar suraqtaryna jaýap berýge daıyn ekenin bildirdi. Alǵashqy suraq jurttyń kóńiline alań salyp júrgen janar-jaǵarmaı men taıap qalǵan egis naýqanyna qajetti dızel otynynyń baǵasy týraly boldy. «Dál osy kúni qorda mamyr aıyna deıin jetetin dızel otyny men sáýirge deıin erkin jetetin janar-jaǵarmaı bar», dep jaýap berdi S.Myńbaev. Oǵan qosa, «QazMunaıGaz» janar-jaǵarmaı stansalarynda baǵa saıasaty qandaı bolatynyn taratyp aıtty. «Baǵanyń deńgeıi Tabıǵı monopolııalardy retteý agenttigi bekitken shekten aspaıdy. Ulttyq kompanııadaǵy bólshek saýdada baǵa saıasatyna qatysty ózgeshelik joq. Biz TMRA bekitken baǵanyń aıasynda jumys isteımiz. Aldaǵy ýaqytta baǵanyń ósirilýi josparlanbaǵan», dep qosty ol.
Kelesi suraq búginde áńgimesi kóbeıgen áıgili Qashaǵan ken ornyna qatysty qoıyldy. Ken ornyndaǵy jumystar men oryn alǵan keleńsizdikter jóninde áńgimelegen tóraǵa, endigi ónim alý qashan bastalatynyna nazar aýdardy. «Jyldyń ekinshi jartysynda munaı óndirý jandanýy múmkin. Degenmen, biz ony áli de bolsa naqty aıta almaımyz. Al munaıdyń qandaı kólemde óndiriletindigi týraly aıtý tipten erte. Naýryzda kelisimshartqa qol qoıylǵan soń jáne gaz qubyryn aýystyrý boıynsha ınvestısııalyq sheshim qabyldaǵannan keıin ǵana óndirý kólemi men shyǵyndar anyq kórinetin bolady», dep taratty sala basshysy.
Elbasy bıylǵy Joldaýynda tórtinshi munaı óńdeý zaýytyn salý týraly tapsyrma bergeni málim. Tilshilerdi mazalaǵan suraq – ol zaýytta óńdeletin janar-jaǵarmaı qandaı elderge eksporttalmaq? Eýropanyń talǵamy men Reseıdegi jaǵdaı belgili, al Qytaıdaǵy munaı zaýyttarymen básekelesý ońaı emes ekeni aıan. «Tórtinshi munaı óńdeý zaýyty keminde tórt-bes jyl salynady. Degenmen, ol zaýyttyń ónimderiniń basym bóligin eksportqa shyǵarý kerek bolady. Onyń bolashaq naryǵy qaı memleketterge taralýy yqtımal? Soltústigimizde Reseı naryǵy munaı ónimderinen tarshylyq kórmeıdi. Sondyqtan onda tasymaldaýdyń máni joq. Qytaıda tehnologııasy men jumys kúshi arzan bolǵandyqtan, básekege qabiletti zaýyttar kóp. Batysqa ınfraqurylym tartý isi óte kúrdeli. Arada Kaspıı teńizi jatyr. Úlken qýaty bar Ázerbaıjan eliniń zaýyttary da jeterlik. Sondyqtan bizdiń negizgi eksporttyq áleýeti bar naryǵymyz ol – ońtústik. Olar – Qyrǵyzstan, О́zbekstan, Tájikstan, Aýǵanstan. Ol naryqta Reseı bar. Demek, Reseımen básekelesý kerek bolady. Osy máseleler qazir Úkimette talqylanyp jatyr», dedi S.Myńbaev.
Teńge baǵamynyń ózgerýi «QazMunaıGazdyń» bekitilgen bıýdjetine jáne damý josparyna ózgeris ákele me? О́zgeris ákeledi eken. Áıtkenmen, geologııalyq barlaý kólemin tómendetýdiń, sonyń ishinde ınfraqurylymdyq nysandardyń qurylysyn kemitýdiń qajettiligi joq kórinedi. Degenmen, QMG teńge baǵamynyń ózgerýinen munaı eksportynda utatyn da sııaqty. «Kompanııanyń ereksheligi nede – biz ónimdi teńgemen óndirip, dollarmen satamyz. Desem de, bizdiń utylatyn tustar da bar. Bul ishki satylymdarda, sebebi ishki naryqta gaz ben munaı ónimderiniń baǵasy ósken joq», dep sózin aıaqtady S.Myńbaev.
Nurbaı ELMURATOV,
«Egemen Qazaqstan».
